মাইস্নাম মৈরাবা লুৱাং অহানবা ওইনা মেন্স সিঙ্গলসকী ইন্টারনেসনেল টাইটেল লৌখ্রে
ইম্ফাল, সেপ্টেম্বর ১৮ : মহারাষ্ট্রগী নাগপুরদা পাঙথোকপা বি দব্লিয়ু এফ ইন্দিয়া মহারাষ্ট্র ইন্টারনেসনেল চেলেঞ্জ ২০২২ গী মেন্স সিঙ্গলসকী ঙসি শান্নখিবা ফাইনেলদা ষ্টেটকী প্লেয়ার মাইন্সাম মৈরাবা লুৱাংনা টুর্নামেন্টকী সিদিং নম্বর ২ মিথূন মঞ্জুনাথপু ষ্ট্রেট গেম ২-০ দা মায়থীবা পীদুনা অহানবা ওইনা ইন্টারনেসনেল টাইটেল লৌবা ঙমখ্রে। টুর্নামেন্ট অসি বেদমিন্টন ৱার্ল্ড ফেদারেসন অমদি বেদমিন্টন এসিয়াগী লমজিং মখাদা থা অসিগী ১৩দগী হৌদুনা চত্থরকখিবনি।
চহী ১৯ শুরবা ষ্টেটকী প্লেয়ার মৈরাবনা মিথুনবু ২১-১৪, ২১-১৬ তা মায়থীবা পীদুনা উইনার ওইখিবনি। মখোয় অনীমক প্রকাশ পদুকোন বেদমিন্টন একাদেমিদা ট্রেনিং তৌরিবা শান্নরোয়নি।
মৈরাবনা একাদেমি অসিদা ট্রেনিং তৌমিন্নরিবা কিরন জোর্জপু থাংজ নুমিৎতা শান্নখিবা সেমীফাইনেলদা ২২-২০, ২১-১৪ দা মায়থীবা পীরম্লগা ফাইনেল য়ৌরকখিবনি। মহাক্না ক্বার্টার ফাইনেলদা কার্র্টিকি গুলসন কুমারবু ২১-১৭, ১৯-২১, ২১-১৬ তা অদুগা প্রি ক্বার্টারদা অরিয়ামন তন্দনবু ২১-১১, ২১-১৮ অমদি অহানবা রাউন্দগী মেটচতা অরুনেশ হরিবু ২১-১৯, ২৩-২১ দা মায়থীবা পীরমখিবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু