আগরতলা, জুলাই ০৬ : ইমালৈবাক মণিপুর কন্নবগীদমক মপান মণিপুরদা খুন্দা লৈতারিবা মণিপুরী ইচিল ইনাওশিংনা অপুনবগী খোল্লাও লাওদুনা মরু ওইনা আসামদা মৈতৈ অমসুং মৈতৈ পাঙলনা খুন্দাবা চাওরাক্না খুল ১৩৫দা ৱাকৎ মীফম পাঙথোকখ্রে।
মণিপুরদা থোক্লিবা কুকী অমসুং মৈতৈ অনীগী ইরাং অসি অথুবা মতমদা শান্তি পুরক্নবগীদমক ঙরাং জুলাই তাং ৫, মণিপুরী কনবা লুপ (মকল), শিলচরনা শীন্দুনা আসামদা চোইজাননা খুন্দারিবা মৈতৈ অমসুং মৈতৈ পাঙল খুন ১৩৫ দা পুং অনীগী ৱাকৎ মীফম অমা অয়ুক পুং ১০দগী ১২ ফাওবা চপ মান্ননা পুন্না পাঙথোকখি। লোয়ননা খুন খুন্দগী ভারতকী রাষ্ট্রপতি দ্রৌপদি মুর্মুরদা মেমোরেন্ডামসু পোষ্টেলগী খুত্থাংদা থাখি।

ৱাকৎ মীফম লোইশিল্লবা মতুং কোনজেং লৈকাই গেষ্ট হাউসতা পাঙথোকখি। প্রেস কনফারেন্সতা মকলগী চেয়ারম্যান আরকে সনাহল, স্পোকর্সপার্সন অরাম্বম নন্দবাবু, এফ লোকনাথ, কনভেনর শেরাম হেরাজিৎ শরুক য়াখি। স্পোকসপার্সন নন্দবাবুনা ইমা লৈবাক মণিপুর কন্নবগীদমক মপান মণিপুরনা অপুনবা খোল্লাও লাওদুনা মণিপুরবু অথুবা মতমদা শান্তি ওইহনবিনবা ভারত অমসুং মণিপুর সরকারনা হোৎনবীয়ু নত্রবদি মপান মণিপুরদা ঐখোয়সু তুমিন্না লৈথোক্লোয় হায়না পাউমীশিংদা ফোঙদোকখি।

সোর্স: মরূপ