মণিপুর সাহিত্য পরিষদ আসামগী ৬১ শুবা মপোক কুমওন পাঙথোকখ্রে
ইম্ফাল, অক্টোবর ১৮ : কামরুপ দিষ্ট্রিক্ট কম্মিটিনা শীন্দুনা গুৱাহাটিগী গনেসগুরিদা লৈবা গুৱাহাতি মণিপুরী সোসল ওর্গানাইজেসন হোলদা মণিপুরী সাহিত্য পরিষদ আসামগী ৬১ শুবা মপোক কুমওন থৌরম পাঙথোকখ্রে হায়না মণিপুরী সাহিত্য পরিষদ আসাম কামরুপ দিষ্ট্রিক্ট কম্মিটিগী সেক্রেটারি করাম পুন্সিনা থাদোরকপা চেরোল অমনা ফোঙদোরক্লি।
চেরোল অদুনা মখা তারদুনা হায়, মণিপুরী সাহিত্য পরিষদ আসামগী ৬১ শুবা মপোক কুমওন থৌরম অদুদা মণিপুরী সাহিত্য পরিষদ আসাম কামরুপ দিষ্ট্রিক্ট কম্মিটিগী প্রেসিদেন্ট হুইরেম হেমাঙ্গো, প্রোফেসর লাইশ্রম জ্ঞানেন্দ্র, লাইশ্রম হেমন্ত, ডা. লাইশ্রম সুর কুমারনা মথংশিৎনা অথোইবা মীথুংশিং ওইনা শরুক য়াখি। মণিপুরী সাহিত্য পরিষদ আসামগী ৬১শুব মপোক কুমওনগী থৌরম অদুগী ওয়েলকাম এদ্রেসনা জি এস থোংগ্রা অমদি কিনোট এদ্রেসনা ওর্গানাইজেসন অসিগী সেক্রেটারি করাম পুন্সিনা পীখি।
থৌরম অদুগী মনুং চন্না ডা. ফুরিৎশাবম বিরমনি, কৈশাম হেমচন্দ্র, বি ইবোতোন শর্ম্মা, খেমাময়ুম দিলিপ অমদি লাইশুংবম রাজ কিশোরনচিংবনা মখোয়গী ওইবা ৱাখল্লোনশিংগা লোয়ননা মণিপুরী সাহিত্য পরিষদ আসামগী ৬১ শুবা মপোক কুমওনগী থৌরমগা মরী লৈননা মরুওইবা ৱাফমশিং ফোঙদোকখি।
ৱাঙাংলোয়শিংনা মণিপুরী সাহিত্য পরিষদ আসামনা সাহিত্যগী লমদা শীংথানিংঙাই ওইনা পাঙথোরকখিবা থবক থৌরমশিং পল্লদুনা ৱা ঙাংখিবগা লোয়ননা থৌরমগী অরোইবা ওইনা লাইশুংবম রাজ কিশোরনা ভোট ওফ থেঙ্কস পীরবা মতুং পোইটস মীট অমদি কালচারেল প্রোগ্রামনচিংবসু পাঙথোকখি হায়নসু চেরোলদুনা মখা তারি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু