আপডেট:
image

মণিপুর কনবা নুমিৎ পাঙথোকখ্রে

ইম্ফাল, সেপ্টেম্বর ২১ : ইরাবত সেলেব্রেসন কমিতি অমদি লম্লাই লোকেল কাউন্সিল সিপিআইগা খুৎশম্নদুনা চলৌ লম্লাই ইরাবত পার্কতা লৈবা ইরাবত নীংশিং হোলদা ৭৪ শুবা মণিপুর কনবা নুমিৎ ঙসি পাঙথোকখ্রে।

থৌরমগী মাঙওইন্না পুংদোংবমদা লৈবা খুবমদা হৈ-লৈ কৎলবা তুংদা মফম অদুদগী মৈরা লৌরগা ইরাবত পার্কতা লৈরিবা ইরাবতকী খুবমদা মৈরা অদু থমখি। লোয়ননা মীয়াম্না ইরাবতকী ফোটো, কমরেদ খোঙলোইশিং, কমরেদ ফৈরোইজম পরিজাৎকী মীতমদা লৈশু কৎতুনা ইকায় খুম্নবা ঊৎখি।

থৌরম অদুদা কন্ত্রোল কমিসনগী চেয়ারমেন লাঙ্গোল ইবোয়াইমা, সিপি আইগী ঐচ ইবোহল, পার্টি অসিগী লম্লাইগী মরু ওইবা অহলশিং, হান্নগী পার্টি স্তেত সেক্রেটারি এল সোতিকুমারনচিংবা শরুক য়াখি।

থৌরম অদুগা মরী লৈননা স্তেত সেক্রেটারি এল থোইরেননা হায়খি, মতম অদুগী জননেতা ইরাবত অমসুং মাগী খোঙলোইশিংনা মণিপুরগী ঙমখৈকন্নবা মথৱায় কত্থোকপগা লোয়ননা মথৌনা ফুদোকখিবা অদুনা ঙসিগী মণিপুরগী তেক্তা কায়দবা হিস্তরি অম থম্বা ঙম্লিবনি। ঐখোয়না পুৱারী নীংশিংলিবসি মণিপুরবু তেক্তা কায়দনা থম্লবা অনৌবা মীরোলদা পাউজেল অমা পীনবনি। জননেতা ইরাবতনা মীওইবা খুন্নাইবু অমগা অমগা মান্ননা থম্নবা হোৎনরমই।

এল সোতিনকুমারনা হায়খি, লৌমী মীয়াম হার ফংবদগী ঈশিং ফংদবগী অৱাবা কোঙ্গাই খাঙলি। লৈঙাক্ত তকশিনবগী পুৱারী অদু ইরাবতন তম্বীরম্বনা ঙসি সি পি আইনা পালন তৌবনা ইরোয়ননা লৈঙাক্তা তকশিল্লি। লাঙ্গোল ইবোয়াইমনা হায়খি জৱাহরলাল নেহেরুনা লুচিংবা ১৯৪৮ গী লৈঙাক অদুনা নোর্থ ইস্ত ইন্দিয়াবু মুন্না মশক খঙখিদে। মদুমক্না মণিপুরগুম্বা চহী লীশীং কয়াগী পুৱারী লৈজরবা লৈবাক অমবু হেক্তা পুর্ব্বাঞ্চল প্রদেশতা পুলহন্নবা হোৎনখিবদু ইরাবত অমসুং পার্টিগী ভলুন্তিয়ারশিংগী হোৎনজমন্না পুলহনখিদে।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু