মণিপুরী য়ুথ ফ্রন্ট ওফ আসামগী লুচিংবশিং তরাম্না ওকখ্রে
ইম্ফাল, ফেব্রুয়ারি ২৬ : ঙসি শ্রীবার লৌতোন লৈকায়গী খুঞ্জাশিংনা মফম অসিদা লৈবা লাইশোম বিদ্যামোহোনগী য়ুমদা পাঙথোকপা অচম্বা থৌরম অমাদা মণিপুরী য়ুথ ফ্রন্ট ওফ আসাম (এম ৱাই এফ এ) গী লুচিংবশিং তরাম্না ওকখ্রে হায়রি।
থৌরম অসিদা শ্রীবার গ্রাম পঞ্চায়েটকী ভাইস প্রেসিদেন্ট এল বিদ্যামোহোন সিংহা, লূপ অসিগী চিফ এদভাইজর সেরাম হেরাজিৎ, প্রেসিদেন্ট থাংজম ব্রোজেন্ট, সেক্রেটারি জেনারেল তম্পাকময়ুম সলাউদ্দিন, মৈরা পায়বী লাইশোম কবোক্লৈনা মরুওইবা মীওইশিং ওইনা শরুকয়াখি।
থৌরম অসিদা শ্রীবার লৌতোন লৈকায় সেল্ফ হেল্পগ্রুপকী সেক্রেটারি বিনানা এম ৱাই এফ এ গী লুচিংবশিংবু লেংয়ানফি খুদোল তমদুনা তরাম্না ওকখি। থৌরম অসিদা এম ৱাই এফ এ গী চিফ এদভাইজর সেরাম হেরাজিৎনা ফোঙদোকখিবদা লূপ অসি কুমজা ২০১৯ দগী মণিপুর লোলবু আসামগী ওফিসিয়েল লোল ওইনা লৌশিন্নবা আসাম লৈঙাক্তা তকশিন্দুনা অকনবা ঈহৌ কয়া হৌদুনা লাকখিবগী মহৈ ঙসিদি ফংবা ঙম্লে। খোঙজং অসিদা থৱায় হকচাং য়াওনা শৌগৎপীখিবা খুল খুলগী এন জি ও, মৈরা পায়বী, সেল্ফ হেল্প গ্রুপশিংবুসু লূপ অসিগী মাইকৈদগী ঙমখৈ লৈতনা থাগৎপা ফোঙদোকচরি হায়রি।
মণিপুর লোলনা ঙসি আসামগী দিষ্ট্রিক্ট ৪ দা এসোসিয়েট ওফিসিয়েল লেঙগ্বেজ ওইরকপদা আসামদা খুন্দারিবা মণিপুরী পুম্নমক্না মসিগী মতাংদা আসাম লেজিসলেটিভ এসেমব্লিদা এক্ট অমা শেমদুনা পাস তৌননবা হোৎনমিন্নখিসি হায়খি।
থৌরম অসিদা শরুক য়াখিবা এল বিদ্যামোহননা লূপ অসিনা নোংজু নুংশা মরক্তা খুল খুলগী য়ুমথোং খুদিং চৎতুনা এৱারনেসকী থৌরমশিং পাঙথোকখিবা অমসুং মীয়ামগী অপুনবগী খোল্লাওনসু ইমা লোল মণিপুরীবু আসাম লৈঙাক্না শকখঙবীরকপনি। মরম অসিনা লৈঙাক অসিবু ঙমখৈ লৈতনা থাগৎচরি হায়খি। থৌরম অসিদা শরুক য়াখিবী বিনানা এম ৱাই এফ এ গী লুচিংবশিংনা হোৎনজখিবশিং অদুগী মহয় ফংলক্লিবা অসি সনাগী ময়েক্না ইহৌরগদবা থৌদোক্নি হায়খি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু