• 958
• ২৯শে মে ২০২২ ইং
• Share on:

মণিপুরী সাহিত্য পরিষদকী মনা ফংগদবশিং লাউথোকখ্রে

ইম্ফাল, মে ২৬ : মণিপুরী সাহিত্য পরিষদ, ইম্ফালনা শক ২০২২ গী ওইনা সাহিত্য, কলা সংস্কৃতিগী লমদম থোইদোক-হেন্দোকপা দান তৌরিবশিংদা পীগদবা উপাধি অমদি শেলগী মনা ফংগদবা মীওইশিংগী মমিং মে ২৬তা ফমখিবা পরিষদকী কার্য্যকারি  সমিতিগী মীফমনা অয়াবা পীদুনা লাউথোকখ্রে। 
পরিষদ অসিগী উপাধি ফংগদবশিং অদুদি অরিবম কুমার শর্ম্মা, ৱাংখৈ থম্বালখোংদা সাহিত্য ভূষণ, থাংজম ইবোপিশক, ৱাংখৈ থাংজম লৈকাইদা কাব্য ভূষণ, নান্দৈবম সুশিলা দেবী, মোইরাংখোম শৌগাইজম লৈরকতা সঙ্গিত ভূষণ (মতম ঈশৈ), খ্বাইরকপম য়াইমবী দেবী, ৱাংখৈ থাঙ্গপাৎ মপানদা সঙ্গিত ভূষণ (নট সংকীর্ত্তন), মাইস্নাম কামিনিকুমার, শগোলবন্দ কাংঙবম লৈকাইদা নৃত্য রত্ন, শংলাকপম খোগেন্দ্র শর্ম্মা, খোংমন জোন-টুদা নৃত্য ভূষণ (রাস), ৱাইরোকপম কামিনি, উরিপোক খুমন্থেম লৈকাইদা নাট্য ভূষণ (ষ্টেজ ড্রামা), কৈশামথোং হোদাম লৈরকতা নাট্য ভুষন (গৌরলীলা), নাউরোইবম ইন্দ্রমনি, শগোলবন্দ নাওরেমথোং খুমন্থেম লৈকাইদা গবেষনা ভূষণ, অরিবম জয়চন্দ্র শর্ম্মা, ব্রহ্মপুর লাইপুবম লৈকাইদা কলা ভূষণ (লাই য়েকপা), খোইস্নাম ধবল্লো খাবা, নোংমৈবুং খোইস্নাম লৈকাইদা, কলা ভূষণ (থাঙ-তা), ওক্রম খোঙনেম, থৌবাল অচৌবা বাজার মখাদা কলা ভূষণ (লাইরিক থিবা) অমদি নামৈরাকপাম মংলেমবাবু, চীংমৈরোং খোংনাং অনি কারকতা বাদ্য ভূষণনি। 
অদুগা পরিষদ অসিগী শেল মনা ফংগদবশিং অদুদি লাইতোঞ্জম সনাহনবী দেবী, ক্বাকৈথেল ময়াই কোইবীদা থাঙ্গ অশংবী শেলগী মনা (মনা অসি লৈখিদ্রবীগী মচা নিঙোলশিং অমদি মশুশিংনা কৎপনি), ফুরিৎশাবম চন্দ্র, শরুংফম ময়াই লৈকাই, কাংথোকচাও, থৌবালদা গুরু মাইস্নাম অমুবী সম্মান (মনা অসি কুমারী থিয়াম সূর্য্যমুখি দেবীনা কৎপনি), থোঙাম গোশে মৈতৈ, নাগামপাল শিংজুবুং লৈরকতা কমলাসানা রাজকুমারী নীংশিং মনা (মনা অসি এলাংবম সোনমনিনা কৎপনি) ওইনাম কেরানি, মোইরাং খোইরু লৈকাইদা নোংমাইথেম ব্রজবিধু সিংহ শেলগী মনা (মনা অসি নোংমাইথেম ইবোহল অমদি মচা-মশুশিংনা কৎপনি), সাপম মোধু (মোধুমঙ্গোল), অরিবা পালা, য়ুম্নাম খুনৌ, নম্বোলদা থোকচোম ওংবী মনিমচা দেবী নীংশিং মনা (মনা অসি তখেল্লম্বম ইরাবোৎনা কৎপনি), থৌনাওজম নোবিন মৈতৈ, ক্যামগৈ মনিং লৈকাইদা লমাবম যাদুমনি নীংশিং শেলগী মনা (মনা অসি লৈখিদ্রবগী মচানুপা লমাবম গোজেন্দ্রো কৎপনি) শ্রীময়ুম নবকুমার শর্ম্মা (ক্লসিকেল মিউজিক), ক্যামগৈ মনিং লৈকাইদা গুরু থোকচোম অঙৌবা নীংশিং শেলগী মনা (মনা অসি মশুনুপী লমাবম ওংবী ভিক্টোরিয়া দেবীনা কৎপনি), হাওরোংবম বসন্ত, রোংপুর শিলচর-৯, কাছাড়, আসামদা উষ্টাদ দেবো শেলগী মনা (মনা অসি শ্রীশ্রী নট সংকীর্ত্তন পেলেস কম্পাউন্দ, ইম্ফালনা কৎপনি) অমদি লৈশাংথেম খোমৈ, থৌবাল লৈশাংথেম খোং মনুং ময়াই লৈকাই, থৌবালদা খোইরোম ইঙোবা এৱার্দ (মনা অসি ডাঃ খোইরোম তোম্বনা কৎপনি) নি।

সোর্স: সঙাই এক্সপ্রেস