আপডেট:
image

ব্রাজিলিয়ানা ফুটোবল লিজেন্ড পেলে লৈখিদ্রে

সাওপোলো, দিসেম্বর ৩০ : য়াম্না লায়রনা হৌরকখিবদগী অফাওবা অমা ওইরকখিবা অমদি মোর্দান হিষ্ট্রিদা মীয়াম্না খ্বাইদগী হেন্না শকখঙনবা এথলিট অমসু ওইখিবা মেজিকেল ব্রাজিলিয়ান ফুটবোল ষ্টার মীয়াম্না ‘পেলে’ হায়রগা খঙনবা এদেসন আরান্টিস দো নাসিমেন্টো শগোলশেল নুমিৎকী নুমিদাংদা সাও পোলো হোস্পিটালদা লৈখিদ্রে।

মহাক চহী ৮২ শুখ্রে। মহাক্কী কোলোনদা ট্যুমর অমা থেংনবদগী হৌখিবা থা খরা অসিদা হোস্পিটাল অসিদা লায়েংদুনা লাকখিবনি। মহাক ট্রেস কোরাসোনগী অপীকপা টাউন মিনাজ গেরিয়াজতা ১৯৪০ গী ওক্টোবর ২৩দা পোকখিবনি। মহাক্না সেমী প্রোফেসনেল ওইবা খুউগী অনাবনা মরম ওইরগা তোকখিবা মহাক্কী অপোকপা মপাদগী ফুটবোল অসি তম্লকখিবনি।

পেলেনা হিংলিঙৈদা পূন্না গোল ১২৮১ চল্লমদুনা ৱার্ল্ড রেকোর্দ থম্লম্বদা নৎতনা ৱার্ল্ড কাপ টাইটেল অহুম্লক লৌবা ঙম্বা শান্নরোয় অমসুনি। নীংশিবা য়াবদি, আর্জেন্টিনানা ৱার্ল্ডকাপ লৌরবা মতুং পেলেনা মখোয়গী টিমগা ট্রোফি থাঙ্গৎমিন্নবগী ফোটো সোসেল মীদিয়াদা থাগৎলকখিবনি অমদি স্কৱাদ লীদার লিওনেল মেসি, ফ্রান্সকী রাইজিং ষ্টার কিলিয়ন এম্বাপ্পে অমদি য়াম্না থাজদনা সেমীফাইনেল চঙলকখিবা মোরোক্কো টিমবুসু থাগৎপা ফোঙদোক্লমখিবনি।

‘ঙসি, ফুটবোলনা মখা তানা মখোয়গী ৱারী লীরখিনি, লীখিগনি মতম চুপ্পদা য়াম্না নুংঙাইবা মওংদা’ হায়না পেলেনা হন্দক্কী ৱার্র্ড কাপকী ফাইনেল মেটচ য়েংলবা মতুংদা ফোঙদোক্লমখি। ব্রাজিলগী শান্নরোয়শিংনসু কাতার ৱার্ল্ড কাপকী কোয়াটার ফাইনেলগী মনুংদা পেলেনা ১৯৭০ ৱার্ল্ড কাপ মায় পাকখিবগী মমি য়াওবা অচৌবা বেন্নার অমা ‘পেলে’ হায়না থাদুনা পাইহনখিবনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: