image

বাংলাদেশতা মণিপুরী লোলগী নুমিৎ পাংথোকখ্রে

সিলেট, ২০’ আগস্ট: মণিপুরী লোল অমদি সাহিত্য লীরবা মরৈ মথুম্না থল্লবা লিশিং কয়াগী পুৱারীনা য়োমশিল্লবা লোল অমনি। মণিপুরী লোল মণিপুরীশিংগী মমালোননি। বাংলাদেশতা অথুবদা প্রাইমারী লেভেলদা মহৈরোয়শিংদা তাকপী তম্বিনবা তঙায়ফদ্রবনি। মণিপুরী ভাষা গবেষণা ও উন্নয়ন সংস্থানা শিল্লাংদুনা মণিপুরী ভাষা দিবস’২২ থৌরমদা ঙরাং কমলগঞ্জ, নয়াপত্তন কাংশংদা পাংথোকখিবা থৌরম অদুদা অতিথিশিংগী ৱারোলদা ৱাহৈ অসি ফোংদোকখিবনি।
লূপ অসিগী প্রেসিডেন্ট কবি এ কে শেরামনা ময়াই তাংবল ওইরদুনা অখন্নবা মীথুংলেন মণিপুরদগী লাক্তুনা শরুক য়াখিবা ড.অমর য়ুম্নাম, হান্নগী মণিপুর ইউনিভারসিটিগী ভাইস চেন্সেলার, ড. সোরাম মণিকান্ত সিংহ, হান্নগী এডিশনাল ডিরেক্টর, হেল্থ সার্ভিস, গভর্মেন্ট ওফ মণিপুর, ড. জিনাইন লাইশ্রমচা, এসিস্টেন্ট প্রোফেসার, সিওল ন্যাশনাল ইউনিভার্সিটি, সাউথ কুরিয়া, ড. হোমেন থাংজম, এসোসিয়েট প্রফেসর, ইন্দিরা গান্ধী ন্যাশনাল ট্রাইবাল ইউনিভার্সিটি অমদি  এল জয়ন্ত কুমার সিংহ, প্রেসিডেন্ট, মণিপুরী কালচারাল কমপ্লেক্স ।
কবি নামব্রম শংকরনা কন্ডাক্ট তৌরদুনা নৈনমীফম অদুদা লূপ অসিগী প্রেসিডেন্ট কবি এ কে শেরামনা ওকশিন
ৱাহৈগা লোয়ননা হৌজিক ওইরিবা বাংলাদেশতা লোলগী ফিভম অসিগী মরমদা ৱারোল ফোংদোকখি। মদুগী মতুংদা লোল অমসুং ময়েক্কী মতাংদা  য়োকখৎ কনখৎপগী অচৌবা  থৌদাং লৌরিবা প্রাইমারীগী ওজা ওইরিবা বৃন্দারানী সিনহা অমদি কোন্থৌজম শিল্পীবু লেংয়ান অমদি ক্রেস্ট পীদুনা ইকায় খুম্নবা উৎখি।
থৌরম অদুদা অতৈগসু
ৱা ঙাংখি- হামোম তনুবাবু, ডিরেক্টর, চাউবা মেমোরিয়াল মণিপুরী ইন্টেল্যাকচুয়াল প্রোপার্টি মিউজিয়াম, ইবুংহাল সিংহ শ্যামল, সেক্রেটারী, মণিপুরী ভাষা গবেষণা ও উন্নয়ন সংস্থা, প্রণীত রঞ্জন  দেবনাথ, রিপোর্টার, অইবা হাজী মো. আব্দুস সামাদ, অহৈবম রণজিৎ। লোলগা মরি লৈননা মশানা শৈরেংজবা শৈরেং পাদুনা তাহনখি কবি রৌশন আরা বাশী খুৎহৈবম, কবি মনি অবুজম, কবি অওয়াংতাবম সমরেন্দ্র।

নিংশিংবা য়াবদি, ১৯৯২গী আগস্ট ২০দা ভারত সরকারগী ৮শুবা সিডিউলদা মণিপুরী লোল চনখিবগী নুমিৎ অসিবু মনিপুরী লোলগী নুমিৎ পাংথোক্তুনা লাকই।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু