আগরতলাদসু মণিপুরী লোলগী নুমিৎ পাঙথোকখ্রে
আগরতলা, আগস্ট ২০ : কুমজা ১৯৯১ আগস্ট ২০ দা ভারতি সংবিধানগী ৮ শুবা সেদ্যুলদা মণিপুরী লোল চনখিবা নুমিৎপু নিংশিংদুনা ত্রিপুরাদসু ৩১রক শুবা মণিপুরী লোল নুমিৎ পাঙথোকখ্রে। মণিপুর লিটরেল্লি এন্দ কালচারেল ফোরাম, ত্রিপুরানা শিল্লগা আগরতলাগী তারৌ মৈতৈ লৈকাইদা পোরমগী ভাইস প্রেসিদেন্ট থোঙ্গাতবম গৌর কিশোর শর্ম্মানা থৌরম মপু ওইরগা পাঙথোকপা থৌরম অদু মরুপ পাউচেগী জয়েন্ট এদিটর আরকে তরুনজিৎনা খোইরু থাওমৈ চুখৎতুনা থৌরম হৌদোকখি।
ফোরামগী সেক্রেটারি খোইস্নাম মঙ্গোলনা তরাম্না ওকপা ৱারোল পীরদুনা হায়, মীরমদা মীরোল ঙাঙবশিংগী মরক্তা চহী ২৫০ হেন্না লৈরক্লবসু লমদম অসিগী মাঙ থানা চৎখ্রবা অহলশিংনা লোল অসিবু হিংহন্নবা থম্বীরম্বা মখোয়গীদমক চাওথোকচৈ হায়খি। মহাক্না লোল অসিবু হেন্না চৎনহনবা অমদি মীয়াম্না ঙাঙবা চঙই হায়না ফোঙদোকখি।
থৌরম অদুদা খুন্দ্রাকপম কানিক সিংহ, লাইপুবম প্রতিমা শর্ম্মা, কেঐচ বিরলনা শৈরেং পাখি অদুগা নিঙোম্বম ওংবী বিভা সিনহা অমসুং খোইস্নাম ওনবী বিরোলানা ঈশৈ শকখি। থৌরম অদুদা আরকে তরুনজিৎ সিনহা, টিএইচ অমৃতা শর্ম্মা অমদি থৌঙাতবম গৌরকিশোর শর্ম্মাসু ৱা ঙাঙখি। ৱাঙাঙলোইশিংনা লমদম অসিদা হৌরক্লিবা অঙাংশিংনা মীগী অরং অরাক্তা ঙাওদুনা মমালোন মীরাইবা তৌদনবা তম্বীবা অমা চঙই হায়নসু পনখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু