বাংলাদেশতা নুমিৎ তরানিচুপ্না পাংথোকখিবা থাং-তা'গী ৱার্কশোপ লোইশিনখ্রে
সিলেট, জুলাই ০৫ : মৌলভীবাজার ডিস্ট্রিক্ট, জুরী উপজেলা (সাব-ডিস্ট্রিক্ট)গী মনুং চন্না লৈবা মৈতৈশিংনা খুন্দাবা ছোটধামাইগী ময়াই লৈকায়দা লৈবা শ্রীশ্রী জগন্নাথ মহাপ্রভু মান্ডোপ্তা মণিপুর আর্টস এন্ড থিয়েটর সঙলেন (MATS), বাংলাদেশ অমসুং অপুন্বা মণিপুর হুয়েন লাংলোন লূপ ( AMHLL), মণিপুর অনিনা খুৎশম্নরদুনা নুমিৎ তরানিগী ওইবা থাং-তা তাকপী তম্বিবগী থৌরম ''ইন্টারন্যালনাল ৱার্কশোপ ওন থাং তা প্রোগ্রাম'' ঙরাং জুলাই ৪, থাংজ নুমিৎ মায় পাক্না লোয়শনখ্রে।
ম্যাটস (MATS)গী কালচারাল সেক্রেটারী চন্দ্রসেন লাইরেঞ্জমনা কন্ডাক্ট তৌখিবা ৱার্কশোপ অসি লোয়শনবগী থৌরম অদুদা মণিপুর আর্টস এন্ড থিয়েটর সঙলেন' গী প্রেসিডেন্ট কে এইচ চন্দ্রজিৎনা থৌরম মপু ওইরদুনা পাংথোকখিবা থৌরম অদুদা অথোইবা মীথুংলেন ওইনা মনিপুরদগী লাকখিবা ওক্রম ৱাঙম্বা মীতৈ, অর্গানাইজেশন সেক্রেটারী, অপুন্বা মণিপুর হুয়েন লাংলোন লূপ (AMHLL), মণিপুর অমদি অখন্নবা মীথুংলেন ওইনা অহৈবম রণজিৎ, সেক্রেটারী, ম্যাটস (MATS) বাংলাদেশ শরুক য়াখিবগা লোয়ননা বাংলাদেশকী শক্নাইরবা ওজা কয়াসু ৱা ঙাংখি হায়রি।
থৌরম অসিগী অথোইবা মীথুংলেন অমদি থাং-তা তাকপী তম্বিখিবা ওজা ওক্রম ৱাঙম্বা মীতৈনা হায়খি, বাংলাদেশতা লৈরিবা মণিপুরীশিংনা ঐখোয়গী ওইবা ইনাৎ, লোন-কলচরনচিংবা য়োকখৎতুনা থম্বিরম্বসি অদুক্কি মতিক নুঙাইজৈ অমদি চাউথোকচবা ফাউজৈ। মদুদগী হেন্না ঐখোয়গী লৈজরিবা লনগৈ ময়াম অসিবু ঙাক শেন্বীরদুনা থম্বিবসি উজবদা য়াম্ন চাউথোকচৈ। মফম অমদা পুন্না লৈমিন্নদ্রবসু অর্গানাইজেশন অনিগী খুত্থাংদা পুকচেল শেংনা থবক তৌমিন্নরগদি হেন্না খুন্নায় অসিবুসু চাউখৎলকপা ঙমগনি হায়বা থাজৈ।
পনবা য়াবদি, থাং-তা তাকপী তম্বিবগী ৱার্কশোপ অসি চৎখিবা জুন ২৫, শগোলশেন নুমিৎতগী চত্থরকখিবনি।
থৌরমগী অরোইবদা ৱার্কশোপ অদুদা শরুক য়াখিবা মহৈরোয়শিংনা থাং লৈত্রেং, শাজেল কাংলোন, তারোন, পুন্সীরোন শাজেল অমদি থাং হায়বা ডেমো ওইনা ডিসপ্লেসু উৎখি হায়রি।
0 কমেন্ট:
কমেন্ট তৌবিয়ু