বাংলাদেশতা ওজারেন ইকায়খুম্নবগী থৌরম পাংথোকখ্রে
সিলেট, আগষ্ট ০১ : বাংলাদেশ মণিপুরী সাহিত্য সংসদকী ৫১ শুবা লিঙ্খৎখিবা নুমিৎকা মরি লৈননা ঙরাং ৩১ জুলাই'২৬ ইরাই নুমিৎ সিলেট প্রেস ক্লাবকী ওডিটোরিয়ামদা ওজারেন ইকায়খুম্নবগী থৌরম পাংথোকখ্রে। নামব্রম শংকর অমসুং নীহার রন্জন শর্মানা কন্ডাক্ট তৌখিবা থৌরম অদুদা বাংলাদেশ মণিপুরী সাহিত্য সংসদকী প্রেসিডেন্ট এ কে শেরাম'না থৌরম মপু ওইরগা অথোইবা মীথুং ওইনা মিষ্টার আসিফ নূর, সেক্রেটারি , সিলেট সিটি কর্পেরেশন অমসুং অখন্নবা মীথুং ওইনা ওজা ডা. প্রমোদ রন্জন সিংহ, রিটায়ার্ড প্রফেসর, হেড অব ডিপার্টমেন্ট, ইউরোলোজি, সিলেট এম এ জি ওসমানি মেডিকেল কলেজ, সিলেট অমদি মিষ্টার মোহাম্মদ সিরাজুল ইসলাম, জেনারেল সেক্রেটারি, সিলেট প্রেস ক্লাব, সিলেট শরুক য়াখি।
থৌরম অদুগী নুংগী ওইবা ৱারোলদা কবি এ কে শেরামনা হায়খি, সংসদকী চহী য়াঙ্খৈমাথোয় ( ৫১ শুবা)খোংদারকপগী তাঞ্জা অসিদা বাংলাদেশতা খুন্দারিবা মণিপুরী খুন্নায়গী মতিক ময়াই চারবা মশা মশাগী শিনফমদা মায় পাক্লবা ওজাশিংবু সংসদনা ইকায়খুম্নবগী তাঞ্জা ফংখিবসি চাওথোকচনিঙায়নি।
ওজারেন ইকায়খুম্নবা থৌরমগী মতাং অমা
অহান্বদা মীথুংলেনশিংবু লৈ অমসুং লেংয়ান য়াল্লদুনা পাংথেকখিবা থৌরম অদুদা ৬৭ সুবা 'মৈরা' ম্যাগাজিন অমসু মায়খুম হাংখি। নুংগী ওইবা ৱারোল ফোংদোক্লবা মতুং ওজারেনশিংগী পুন্সিৱারী পাথোক্লদুনা লেংয়ান, ক্রেস্ট, সাইটেসন অমসুং শেলগী মনা পীরদুনা ওজারেলশিংবু ইকায়খুম্নবা উৎখি।
চহী অনি অনি মতুং পাংথোকপা ওজারেল ইকায়খুম্নবগী থৌরম অসিদা হন্দক চহীগী ওইনা কোংখাম নীলমনি সিংহ, রিটায়ার্ড এডিশনাল সেক্রেটারি, গভর্মেন্ট অব দ্যা পিপলস্ রিপাবলিক অব বাংলাদেশ, ডা. অরুণ কুমার শর্মা, সিনিয়র কনসালটেন্ট কার্ডিওলজিস্ট, ল্যাব এইড কার্ডিয়াক হাসপাতাল, ঢাকা, হাজি মো. আব্দুস সামাদ, শক্নাইরবা অইবা, রির্সাচার অমদি অহান্ব ওইনা 'ইয়াং ট্যালেন্ট অ্যাৱার্ড-২০২৬' না নহা ওইরিবা শান্নরোয় গৌরব সিংহ গগন(ন্যাশনাল চ্যাম্পিয়ান, ব্যাডমিন্টন )দা পীখি।
'' মণিপুরী মচাশিংনা শিনফম খুদিংমক্তা মায়পাক্না লৈরিবসি য়াম্না চাওথোকচনিঙাইনি। মশিং লীকচরবসু য়াম্না ট্যালেন্ট লৈনা মফম খুদিংদা মায় পাক্না লৈবা ঙম্বসে অতোপ্পা ফুরুপশিংনা মসিদগী তমজনিঙাই ওইরিবনি। বাংলাদেশতা মণিপুরী শিংনা কালচর, সাহিত্য, অ্যাডমিনিস্ট্রেশন, ফিসা-লোনসা, শান্নবা, ইডুকেশন-না চিংবা হিরম খুদিংমকতা মাংজিন থারিবসি য়াম্না হোৎনবা কন্বা অমদি মরিংজেল লৈবা ফুরূপ অমগী খুদমনি হায়রদুনা অথোইবা মীথুংগী ৱারোলদা সিলেট সিটি কর্পেরেশনগী সেক্রেটারি মিষ্টার আসিফ নূরনা ফোংদোক্লম্মি।
থৌরম অদুদা ৬৭ সুবা 'মৈরা' মায়খুম হাংখিবা
থৌরম অদুদা, এল. প্রশান্ত সিংহ, ভাইস প্রেসিডেন্ট, বাংলাদেশ মণিপুরী সাহিত্য সংসদ, কবি পুলিন রায়, ইডিটর, ভাস্কর, হামোম প্রবিত, জেনারেল সেক্রেটারি, বামসাস, কমলগঞ্জ মশা ফুরুপ, সাজ্জাদুল হক স্বপন, প্রেসিডেন্ট, পাঙাল সাহিত্য সংসদ, কবি প্রীতম, আসিফ আজহার, লোংজম নীহার সিংহ অমদি নীরোদ রন্জন শর্মাসু ৱা ঙাংখি হায়না সিলেটতগী বামসাস না থাদোরকপা চেরোল অমদা হায়রি।
0 কমেন্ট:
কমেন্ট তৌবিয়ু