• 845
• ৭ই অগাস্ট ২০২২ ইং
• Share on:

ফিক্সন এন্দ পোইট্রি ক্লাব মণিপুরগী চহীগী মীফম পাঙথোক্তুনা থৌ পুগদবশিং খনখ্রে

ইম্ফাল, আগস্ট ৭ : ফিক্সন এন্দ পোইট্রি ক্লাব মণিপুরগী চহীগী ওইবা মীফম ঙসি লমদেং মখা লৈকায়দা লৈবা কবি থৌদাম নেত্রজিৎকী য়ূমদা পাঙথোকখ্রে হায়রি। ক্লাব অসিগী প্রেসিদেন্ত দাঃ হৈস্নাম বুধিচন্দ্র অমসুং মপাউ চেফোঙগী চীফ এদিতর দাঃ চিরোম রাজকেতন সিংহনা প্রিসাইদ তৌদুনা পাঙথোকখিবা মীটিং অসিদা ক্লাব অসিগী সেক্রেটারি লাইশ্রম লেনিন সিংহনা চহীগী রিপোর্ট পীখি। ক্লাব অসিগী ফাইনান্স সেক্রেটারি কৈথেল্লাকপম লন্দননা ফাইনান্সিয়েল রিপোর্ট পীখি।

মীফম অদুদা ক্লাব অসিগী ইং ২০২২-২০২৪ টার্মগী থৌ পুগদবা মীওই ১১ না শাবা একজিক্যুটিব কমিটি অমসুং খনখি। ক্লাব অসিগী হৌজিক প্রেসিদেন্ত ওইরিবা দাঃ হৈস্নাম বুধিচন্দ্রবু য়েৎনবা লৈতনা মথং টার্মগীসু প্রেসিদেন্ত ওইনা খনখি। অতৈ খনখিবা থৌ পুবশিং অদুদি ভাইস প্রেসিদেন্ততা থৌদাম নেত্রজিৎ সিংহ, সেক্রেটারিদা লাইশ্রম লেনিন সিংহ, জোইন্ত সেক্রেটারিদা পরশুরাম থিংনাম অমসুং লৈশাংথেম দয়ানন্দনি। ফাইনান্স সেক্রেটারি ওইনা কৈথেল্লাকপম লন্দননি।

মসিগী লোয়ননা ক্লাব অসিনা ফোঙবা চেফোঙ ‘মপাউ’ গী এদিটোরিয়েল বোর্দ মেম্বারসু খনখি। খনখ্রবশিং অদুদি চীফ এদিতরদা মণিপুরী দিপার্তমেন্ত এম য়ুগী এসোসিয়েত প্রোফেসর দাঃ চিরোম রাজকেতন, এদিতর ওইনা দেবচান্দ অমসুং রনধির কুমার য়েন্দ্রেম্বম, জোইন্ত এদিতর ওইনা নন্দো নিঙোম্বম অমসুং একেন্দ্র তেনসুবমনি।

মখা তানা মীফম অদুদা ক্লাব অসিনা চহী খুদীংগী মেরাগী পুর্ণিমা নুমিৎতা পাঙথোকপা ‘মণিপুরী শৈরেংগী নুমিৎ’ কী মতাঙদসু খন্নখি। চহী অসিগী ওক্টোবর ৯ নোংমাইজিং নুমিৎতা পাঙথোক্কদবা মণিপুরী শৈরেংগী নুমিৎ অসি পাক চাউনা পাঙথোক্নবসু ৱারেপ্নখি হায়রি।

সোর্স: পোক্নফম