প্রোঃ পাওনম গুনিন্দ্রোদা মাদর লেংগ্বেজ এৱার্দ পীরগনি
ইম্ফাল, ফেব্রুয়ারি ১২ : চহী খূদিংগী সাহিত্য থৌপাং লূপ (সাথৌলূপ) না ইন্টরনেশনল মাদর লেংগ্বেজ দে (মালেমগী ইমালোলগী নুমিৎ) গা মরী লৈননা লেংগ্বেজ এক্টিভিস্ট অমমম খনগত্তুনা পীবা খুম্বোংময়ুম গৌরহনি মধুমতি মাদর লেংগ্বেজ এৱার্দ, ২০২৫ মণিপুরী শক্নাইরবা লেংগ্বেজ এক্টিভিস্ট প্রোফেসর পাওনম গুনিন্দ্রোদা পীরগনি হায়না সাথৌলূপকী এম উত্তম কুমারগী চেরোল অমনা ফোঙদোরক্লি।
প্রোফেসর গুনিন্দ্রোনা ঙসি ফাওবদা মশাগী মমালোল ওইরিবা মণিপুরী লোলবু হেন্না ৱাংবা থাক্তা পুখৎনবা হোৎনবগা লোয়ননা মালেমগী মীয়ামদা খঙহন্ননবা হোৎনরক্লিবা মহাক্কী থৌদাং অসিবু ঈকায় খুম্নবা অমসুং শক খঙবা ওইনা এৱার্দসি পীগদবনি। মশাগী মমালোল অমা লৈজবগী চাউথোকচবগা লোয়ননা মশাগী ময়েক অমসুং কলচরবু হেন্না শক্তাক্নবা হোৎনরিবা মহাক্কী থৌদাং শীংথাবগী লোইবা নাইরোই।
এৱার্দ অসি লাক্লিবা ফেব্রুয়ারী ২১, ইরাই নুমিত্তা মালেমগী মফম কয়াদা পাঙথোক্নগদৌরিবা ইন্টরনেশনল মাদর লেংগ্বেজ দেগী শরুক অমা ওইনা সাথৌলূপনা ষ্টেট সেন্ত্রেল লাইব্রেরী, ইম্ফালগী ওদিটোরিয়ামদা লান্থোক্কনি হায়রি।
এৱার্দ অসিদা শেল ওইনা লুপা লীশিং ১০, সাইটেশন অমা অমসুং সোল অমা য়াওরি। এৱার্দ লান্থোকপগী থৌরম অসিদা স্টেট কলা একাদেমী এৱার্দী য়ূম্লেম্বম ইবোমচানা অথোইবা মীথুং অমসুং সাহিত্য সেবা সমিটি, ককচিংগী প্রেসিদেন্ট ক্ষেত্রি বিরনা থৌরম মপু ওইনা শরুক য়াগনি। নুমিৎ অসিগা মরী লৈননা অইবা কয়ানা মশা-মশানা ইবা শৈরেংশিং পাথোকপগী থৌরমদা লনবোন কবুইনা থৌরম মপু ওইদুনা পাঙথোক্কনি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু