পেট্রিওটিক সোলো সোং কম্পিটিসন পাঙথোকখ্রে
ইম্ফাল, নভেম্বর ২৪ : মণিপুর য়ুনিভার্সিটি ষ্টুডেন্টস য়ুনিয়ন (মুসু) না শীন্দুনা ‘সেক্রিফাইস এন্ড সার্ভাইব টাগেডর’ হায়বা থিমদা য়ুনিভার্সিটি অসিগী সেন্টেন
ইম্ফাল, নভেম্বর ২৪ : মণিপুর য়ুনিভার্সিটি ষ্টুডেন্টস য়ুনিয়ন (মুসু) না শীন্দুনা ‘সেক্রিফাইস এন্ড সার্ভাইব টাগেডর’ হায়বা থিমদা য়ুনিভার্সিটি অসিগী সেন্টেনরি হোলদা ষ্টেট লেভেল অবেন মণিপুর পেট্রিওটিক সোলো সোং কম্পিউটিশন ঙসি পাঙথোকখ্রে।
থৌরম অদুদা মণিপুর য়ুনিভার্সিটি টিচার্স এসোসিয়েসন (মুটা) গী প্রেসিডেন্ট প্রোফেসর দেবানন্দা নিংথৌজমনা চীফ গেষ্ট, মুসুগী প্রেসিডেন্ট মাইবম মাইকেলনা প্রেসিডেন্ট, এময়ুগী ষ্টুডেন্টস ওয়েলফেয়ারগী ডিন ডাক্তার এল বিশ্বনাথ শর্ম্মা অমসুং এময়ুগী কালচারেল কো-অর্ডিনেটর ডাক্টর রাজকুমার সুরেসনা গেষ্ট অব অনারশিং ওইনা শরুক য়াখি।
চীফ গেষ্টকী ৱারোল পীবদা দেবানন্দা নিংথৌজমনা হায়, ঙসিগী অসিগুম্বা কম্পিটিশন অসিদা শরুক য়ারিবশিং য়াম্না থাগৎনিঙাই ওই। মুসুনা ঙসি কম্পিটিশন শীল্লিবা থিম অসিসু অদুক্কী মতিক ফজৈ। থিম অসিদা লৈবাক্কীদমক কত্থোকপা, রৈবাক অসিবু য়োকখত্তুনা লৈবাক অসিগীদমক্তা হিংমিন্নবা হায়বা অমা য়াওরি।
লৈবাক নিংবা হায়বসি লৈবাক অদুগী ইকোসিষ্টেম হায়বদি শা-উচেক, হৈপাল-লৈপাল, ঈশিং-নুংশিৎনচিংবশিং অসিগা লোয়ননা লমদম অসিদা লৈরিবা মীশিং অসিবু নুংশিবা অদুনি। ঐবু পোকপিবা ইমা-ইপাদগী হেন্দোক্তুনা ঐগী ইমা লৈবাকপু নুংশিদুনা ইমা লমদম অসি ঙাক্তবা য়াদবা, কন্দবা য়াদবা, য়োকখৎতবা য়াদবগী ৱাখল্লোন অসি য়াম্না মরু ওই হায়নসু ফোঙদোকখি। মরম অদুনা কম্পিটিশন অসি চপ চাই। অসিগুম্বা কম্পিটিশন শীনবনা ইমা লৈবাক অসিবু নুংশিবগী স্পিরিট অসি হেন্না শন্দোরক্কনি হায়বগী থাজবা লৈ হায়বা ৱাফমসু মহাক্না থমখি।
ঙসিগী কম্পিটিশন অদুদা পুন্না মীওই ২৯ না শরুক য়াখি। কম্পিটিশন অদুদা মমিং লৈরবা মিউজিক ডাইরেক্টর মোইরাংখোম লোকলাওবুংদগী সগোলশেম টিজেন্দ্র, কোংবা মখা নান্দৈবমদগী ষ্টেট এৱার্ডি কোন্সম শান্তা অমদি মিউজিশিয়ান/ কম্পোজার ওইরিবা গুরুময়ুম হেমচন্দ্রনা জুরি ওইখি। কম্পিটিশন অসিদা সিনাম ববিতা চনুনা অহানবা মনা লৌখি, অবো নিঙোম্বমনা অনিশুবা অমদি অম্রিকা সোরোখাইবমনা অহুমশুবা তাখি। লোয়ননা মোইরাংথেম সমানন্দা, লাইশ্রম রোহিৎ, খাইথুসিন গাংমৈ, গ্যানেন নামৈরাকপম, সোইবম বোরিস, মোইরাংথেম ডিঙ্কু অমদি ওক্রম সোনিকা মখোয় তরেৎনা কম্পিটিশন অদুদা কন্সোলেসন প্রাইজ ফংখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু