দাঃ ওইনাম সরিতানা ইবা লাইরিক ২ ফোঙখ্রে
ইম্ফাল, ফেব্রুয়ারি ৯ : দাঃ ওইনাম সরিতা দেবীনা ইবা ‘ৱাখলগী ঈতিনফম’ কৌবা শৈরেং লাইরিক অমুসং মহাক্না মণিপুরদা ত্রান্সলেসন তৌবা ‘গান্ধীগী ৱাখল্লোন্দা চঙশিনবাঃ অহিংসাগী ৱাঙাঙ’ হায়না মিংথোনবা লাইরিক অনী ঙসি ফোঙখ্রে।
নিত্যাইপাৎ চুথেক্তা লৈবা দি আই পি আরগী ওদিতোরিয়ামদা পাঙথোকখিবা লাইরিক ফোঙবগী থৌরম অদুদা দি এম য়ুনিবর্সিতিগী ভি সি ওইরম্বা প্রোঃ এন রাজমোহন, মণিপুর এন্সতিত্যুত ওব মেনেজমেন্ট, এম য়ুগী দিরেক্তর প্রোঃ লাইশ্রম প্রভাকর, রিমসকী সাইকিয়াত্রিক দিপার্তমেন্তকী প্রোঃ আর কে লেনিন অমসুং এম য়ুগী মণিপুরী দিপার্তমেন্তগী এসোসিয়েত প্রোফেসার দাঃ দব্লিয়ু কুমারী চনুনা প্রসিদিএম মেম্বরশিং ওইনা শরুক য়াখি।
থৌরম অদুদা দাঃ ওইনাম সরিতা দেবীনা ইবা ‘ৱাখলগী ঈতিনফম’ অমসুং ‘গান্ধীগী ৱাখল্লোন্দা চঙশিনবাঃ অহিংসাগী ৱাঙাঙ’ হায়না মিংথোনবা লাইরিক অনীসিগী মতাঙদা এম য়ুগী দিপার্তমেন্ত ওব পোলিতিকেল সাইন্সকী প্রোফেসার ওইরম্বা এস মঙ্গীনা ৱা ঙাঙখি।
সোর্স: পোক্নফম
0 কমেন্ট:
কমেন্ট তৌবিয়ু