দাঃ এন বীরচন্দ্রনা অমসুং লোংজম সোমোরেন্দ্রোনা ইবা লাইরিক অনী ফোঙখ্রে
ইম্ফাল, জুন ১৪ : দাঃ এন বীরচন্দ্রনা ইবা ‘খোঙ্গুল মূৎলুরবা মৈতৈ লাইনিং’ অমদি মীয়াম্না অরুন হায়না খঙনবা লোংজম সোমোরেন্দ্রোনা ইবা ‘মালেম ইমা পন্থোইবী’ কৌবা লাইরিক অনী ঙসি নিত্যাইপাৎ চুথেক্তা লৈবা দি আই পি আরগী ওদিতোরিয়ামদা ফোঙখ্রে।
জি এম পাব্লিকেসন্স, কৈশামথোং লোংজম লৈরক, ইম্ফালনা শীন্দুনা পাঙথোকখিবা লাইরিক ফোঙবগী থৌরম অদুদা মণিপুর য়ুনিবর্সিতি ওব কলচর (এম য়ু সি) গী ভি সি, প্রোফেসার পি গুনিন্দ্রোনা চীফ গেস্ত রিসার্চ ফোরাম মণিপুরগী প্রেসিদেন্ত প্রোফেসর চীংঙাখম ইবোহলনা মৈতৈনা প্রেসিদেন্ত অমসুং মণিপুর স্তেত কলা একাদেমিগী সেক্রেতরি সুনন্দা থোকচোমনা গেস্ত ওব ওনর ওইনা শরুক য়াখি।
এম য়ুগী এসিস্তেন্ত প্রোফেসার দাঃ সাপম দিলপীনা মুৎলুরবা মৈতৈ লাইনিং অমদি এম য়ু সিগী এসিস্তেন্ত প্রোফেসার দাঃ ঙানবী চনুনা মালেম ইমা পান্থোইবী লাইরিক্কী মরমদা ৱা ঙাঙখি। লাইরিক ফোঙবগী থৌরম অদুগা মরী লৈননা অইবা দাঃ এন বীরচন্দ্রনা হায়, মহাক্কী লাইরিক অসি ঙসি তপ্না-তপ্না হঞ্জিল্লক্লিবা মৈতৈ লাইনিং অসি মপূং ফানা অমদি নিয়ম চুম্না তুংগী মীরোলশিংনা খঙহৌনবা মৈতৈগী ওইবা লাইনিং-লাইশোন্দা য়ূম্ফম ওইবা লাইরিক অমনি। ঐখোয়গী ইপা-ইপুশিংনা চৎলম্লিবা লাইনিং অসিবু লূপ অমদি ওর্গানাইজেসন কয়ানা মানা-মানা পাঙথোক্নিংবা মওংদা পাঙথোক্নরকপা অমসুং লাইনিং-কাঙলোন কয়াদসু খেন্নবা উরকপদগী অচুম্বা মশক অমা পুথোকপা ঙমগদ্রা খন্দুনা মহাক্না ঙসিগী লাইরিক অসি পুথোকপনি হায়না ফোঙদোকখি।
‘মালেম ইমা পন্থোইবী’ হায়রিবা লাইরিক অসিবু ইরিবা এল সোমেরেন্দ্রোনা হায়, মালেমদা লৈরিবা থৱায় পানবা খ্বাই খিবীকপু পীবিরিবী মালেম ইমা অসি পন্থোইবী ইমানি খঞ্জদুনা মহাক্কী লাইরিক অসি ইজবনি। লোয়ননা লাইরিক অসিদা ফুরূপ অসিগী তোঙান তোঙানবা ঈরাৎ থৌনি অমদি লাইনিং লোন কয়া য়াওরি হায়না ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু