অপূনবা খোর্জৈ, অনীশুবা লারোল ৱারেং হায়না মিংথোনবা লাইরিক ফোঙখ্রে
ইম্ফাল, জুন ১৫ : রাজকুমারী যোজিতা দেবীনা এদিতর ওইদুনা রাজ কুমার সুরেন্দ্রজিৎকী ‘অপূনবা খোর্জৈ’ অনীশুবা লারোল ৱারেং ঙসি দি আই পিআরগী ওদিতোরিয়ামদা ফোঙখ্রে।
রাজকুমার সুরেন্দ্রজিৎ মোমোরিএল ট্রাস্টনা শীন্দুনা পাঙথোকখিবা লাইরিক ফোঙবগী থৌরম অদুদা মণিপুর সাহিত্য পরিষদ ইম্ফালগী প্রেসিদেন্ত লোংজম জয়চন্দ্রনা চীফ গেস্ত, নহারোল সাহিত্য প্রেমী সমিতি ইম্ফালগী প্রেসিদেন্ত নাউরোইবম ইন্দ্রমণিনা প্রেসিদেন্ত, দি এম কলেজ গী মণিপুরী দিপার্তমেন্তকী ঐচ ও দি ওইরম্বা দাঃ থোকচোম ইবোহনবী অমসুং ইম্ফাল কলেজগী প্রিন্সিপাল ওইরম্বা দাঃ মোইরাংথেম প্রিয়োব্রতনা গেস্ত ওব ওনর ওইনা শরুক য়াখি।
ঙসি ফোঙখিবা লাইরিক অসিগী মতাঙদা ক্বাদগী প্রেসিদেন্ত সলাম তোম্বা সিংহনা ৱা ঙাঙখি। থৌরম অদুগা মরী লৈননা লাইরিক অসিগী এদিতর রাজকুমার যোজিতানা হায়, রাজকুমার সুরেন্দ্রজিৎকী লাইরিকশিংবু রাজকুমার সুরেন্দ্রজিৎকী অপূনবা খোর্জৈ হায়না মিংথোন্দুনা ফোঙলিবা লাইরিক অসি তোঙান-তোঙানবা লারোলশিংদা তম্নবগীদমক্তনি। মহাক্কী অহানবা লারোনদা শৈরেং, অনীশুবা লারোনদা ৱারেং, অহুমশুবদনা দ্রামা অদুগা মরিশুবদা অঙাংগী সাহিত্য, ঈশৈ ময়েক, হন্দোকপা সাহিত্য, ঈশৈ ময়েক, হন্দোকপা সাহিত্য অমসুং অতৈ মখল মথেল ওইনা থম্বনি। ঙসি ফোঙলিবসিনা রাজকুমার সুরেন্দ্রজিৎকী অপূনবা খোর্জৈ হায়বসিদা অনীশুবা লারোল ৱারেং লাইরিকনি।
সোর্স: পোক্নফম
0 কমেন্ট:
কমেন্ট তৌবিয়ু