আপডেট:
image

ত্রিপুরাগী গৌরনগরদা মৈতৈ ময়েক তম্বীবগী থৌরম পাঙথোকখ্রে

ইম্ফাল, ওক্টোবর ২৩ : মণিপুর লিটরেরি এন্দ কালচারেল ফোরাম ত্রিপুরা শীন্দুনা ত্রিপুরাদা মৈতৈনা মশিং য়াম্না তাবা বাংলাদেশকী বোর্দারগা থংননা লৈরিবা খোৱাই দিষ্ট্রিক্টকী মখাদা লৈবা মৈতৈ খুল গৌরনগরদা ঙসি মৈতৈ ময়েক খঙহন্নবগী পান্দমদা তাকপী তম্বীবগী থৌরম অমা পাঙথোকখ্রে হায়রি।

রিছার্স ফোরাম মণিপুরগী মতেং লৌরগা পাঙথোকপা থৌরম অদুদা ফোরামগী প্রেসিদেন্ট নিংঙোম্বা বিরনা থৌরম মপু ওইখি। অদুগা মরুপ পাউচেগী জোইন্ট এদিটর আর কে তরুণজিৎ, মণিপুরী লিটরেরি এন্দ কালচারেল ফোরাম ত্রিপুরাগী সেক্রেটারি খোইস্নাম মঙ্গোল অমদি শক্নাইরবা কালচারেল এক্টিভিষ্ট এন মদন গুপ্তনা ইকায় খুম্নবা মীথুংশিং ওইনা শরুক য়াখি।

ঙসিগী থৌরম অদুদা ফোরাম অসিগী পাপ্লিসিটি সেক্রেটারি এন বিনোতানা মীয়াম্বু তরাম্না ওকপগী ৱারোল পীরবা মতুং ৱাঙাংলোয়শিংনা মীয়ামদা মৈতৈ ময়েক মপি মশক তাক্তুনা ইবগী অরাইবা মরমশিং খঙহনখি। লোয়ননা ইশাগী লোন ময়েক অসিগী তঙাইফদবা অমা ওইনা হীরম কয়াদা ঙম্না শীজিন্নবীয়ু হায়নসু ফোঙদোকখি। ঙসিগী থৌরম অদুদা মৈতৈ ময়েক মপিগী লাইরিকশিংসু য়েন্থোকখি। পনবা য়াবদি থা অসিগী ওক্টোবর ৫দসু আগরতলাগী তরৌদসু অসিগুম্বা থৌরম পাঙথোকখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: