ত্রিপুরাগী অভয়নগরদা পাওনা ব্রজবাসিগী মফমদা হৈকৎ লৈকৎ তমখ্রে
ইম্ফাল, দিসেম্বর ২০ : মণিপুরগী নিংতম্বা ঙাক্নবগীদমক ইং ১৮৯১ দা বৃটিশকী মায়োক্তা লান থেংনদুনা পুন্সি পোন্থা পীখ্রবা অথৌবা মেজর পাওনা ব্রজবাসিগী চহী ১৯৯শুবা মপোক কুমওন থা অসিগী ২০ দা ত্রিপুরাগী অভয়নগর অমসুং খোৱাই দিস্ত্রিক্তকী গৌরনগর মফম অনীদা খিনবা মীতমদা হৈকৎ লৈকৎ তমদুনা ইকায়খুম্নবা উৎখ্রে। অভয়নগরদা পুথিবা ওয়েলফেয়ার কালচারেল সোসাইটিনা শীন্দুনা পাঙথোকখিবা থৌরমদা মণিপুরগী ফিল্ম দিরেক্তর ও সি মৈরা, সোসাইটিগী সেক্রেটারী এস দিপক কুমার, মরুপ পাউচেগী আর কে তরুণজিৎ, এন নিরঞ্জন, এন নির্মল, কেএসঐচ ধনজিৎ, সুহেলী দেবীনচিংবনা শরুক য়াখি।
অমরোমদা, মণিপুরী লিতরেরি এন্দ কালচারেল ফোরাম অমসুং মৈরা পায়বী গৌরনগর অনীনা শীন্দুনা হৈকৎ লৈকৎ তমখিবদা ফোরামগী প্রেসিদেন্ট এন বিরো সিংহ, সোসিয়েল এক্টিভিস্ত এন মদন, সচিন দত্ত, মৈরা পায়বীগী প্রেসিদেন্ট বিনোতা সিংহনচিংবনা শরুক য়াখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু