ক্লাসিকেল ল্যাঙ্গুয়েজ মণিপুর লৈঙাক্তগী হৌজিক ফাওবা প্রোপোজেল ফংদ্রি!
আগরতলা, ডিসেম্বর ০৫ : মণিপুরী (মৈতৈ লোন) লোনবু ভারত কী ক্লাসিকেল ল্যাঙ্গুয়েজ ওইনা শক খঙনবা অমদি ক্লাসিকেল ষ্টেটাস পীবগী মতাংদা কেন্দ্রগী লৈঙাক্বা করম্বা থৌরাং লৌখৎলগে হায়না কংগ্রেসকী এম.পি ড. অঙোমচা বিমল অকোইজমনা লোকসভাদা হংখিবা ৱাহংগী পাউখুম পীরদুনা কেন্দ্রগী কালচার এ্যন্ড ট্যুরিজম মন্ত্রী গজেন্দ্র শেখাৱাতনা হীরম অসিগী মতাংদা হৌজিক ফাওবা মণিপুর লৈঙাক্তগী প্রোপোজেল লাকত্রি হায়খ্রে।
ড. অঙোমচা বিমল অকোইজম
চৎখিবা ডিসেম্বর তাং ১, লোকসভাদা এমপি ড. অঙোমচা বিমল অকোইজম না আন-স্টারটেদ নং ১৫২ দা ৱাহংসি হংখিবনি। মহাক্লা মণিপুরী লোন অসি তিবেটো-বর্মীজ লিংগুইষ্টিক ফেমিলিগী ইন্দো-মঙ্গোলোয়েড গ্রুপ মনুং চনবা ভারতকী খ্বাইদগী লীরবা, চাওখৎলবা লোন অমনি হায়বসি ইমিনেন্ট লিংগুইষ্ট অমদি কন্সটিটুয়েন্ট এসেমব্লি মেম্বর ড. সুনীতি চ্যাটার্জিসু খংলিবনি। অদুনা লোল অসিগী তোপ তোপ্পগী মশক অদু খঙবিদুনা কেন্দ্রগী লৈঙাকনা করম্বা খোঙথাংশিং লৌখৎলিবগে হায়বা ৱাহংগী পাউখুম পীদুনা মন্ত্রিনা ক্লাসিকেল ল্যাঙ্গুয়েজ থাক পীনবা হোৎনবদা কেন্দ্রগী কালচার মন্ত্রনালয়না রাজ্যগী লৈঙাকশিংদগী লাকপা প্রোপোজেলশিং অমদি মরী লৈনবা চে-চাংশিং কুপ্না য়েংশিনবগী থবক তৌই হায়না মন্ত্রিনা অইবা ওইনা পাউখুম অদু পীখিবনি।
সোর্স : মরূপ
0 কমেন্ট:
কমেন্ট তৌবিয়ু