কানাডাদা নিঙোল চাক্কৌবগী থৌরম পাঙথোকখ্রে
ইম্ফাল, অক্টোবর ২৮ : অক্টোবর ২৭, হিয়াঙ্গৈগী নিনি পানবা নুমিৎপু নিঙোল চাক্কৌবগী থৌরম পাঙথোক্নবগুম নুমিৎসিদা মণিপুর দগী কানাডাদা খুন্দা-লৈতাখ্রবা অমদি থবক তৌদুনা অমদি মহৈ-মশিন তমদুনা লৈরিবা মণিপুরগী নিঙোলশিংবু নিঙোল চাক্কৌবগী থৌরম কানাডাগী কেলগরিদা লৈবা পেডিয়াট্রিক ডাক্তর, ডাঃ অমুচৌগী য়ুমদা পাঙথোকখি হায়রি।
চাওরাক্না মণিপুরী নিঙোল ৫০ হেনবনা শরুক য়াদুনা পাঙথোকখিবা নিঙোল চাক্কৌবগী থৌরম অদু মণিপুর অমদি অতৈ মণিপুরীশিংনা খুন্দাবা মফমশিংদা পাঙথোক্নবগুম নাৎকী ওইবা ফিরোলশিং শেৎ-চাদুনা অমদি অথুম-অহাও, হৈ-রা কয়া পুদুনা চৎখি।
লোয়ননা কানাডাদা লৈরিবা মবুং-মৌপ্বা, মখুরা-মতোন শক্লবশিংনা নিঙোল ওইবীশিংদা মবুং-মৌপ্বা, মখুরা মতোন শক্নবশিংগী নুংশি চান্নবগী মরিগা লোয়ননা মথেল কয়াগী চাক চামিন্নদুনা চাক্কৌবগী দক্ষিনাসু খুদোল তমখি হায়রি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু