আপডেট:
image

কংলৈ থাঙ-তা ফেষ্টিবেল হৌদোকখ্রে

ইম্ফাল, জানুয়ারি ১০ : মিনিষ্ট্রি অব কালচারগী মীৎয়েং মখাদা কংলৈপাক থাঙ-তা কালচারেল একাডেমিনা শীন্দুনা নুমিৎ মরিনি চুপ্না চত্থগদবা ‘কংলৈ থাঙ-তা ফেষ্টিবেল’ ঙসিদগী লাইরিয়েংবম অৱাং লৈকায় কমিউনিটি হোলদা হৌদোকখ্রে। কংলৈপাক থাঙ-তা কালচারেল একাডেমিগী প্রেসিডেন্ট টি ঐচ শরত মৈতৈনা প্রিসাইড তৌদুনা পাঙথোকখিবা ফেষ্টিবেল অসি হৌদোকপগী থৌরমদা লাইফম খুন্নৌ জিলা পরিষদকী মেম্বার এল ওলেননা চীফ গেষ্ট, লাইরিকয়েংবম লৈকায় গ্রাম পঞ্চায়েৎগী প্রধান ঐচ তোম্বী অমসুং ওয়ার্ড মেম্বার ৱাই অমু অসিনচিংবনা গেষ্ট অব অনার ওইনা শরুক য়াখি।
থৌরম অদুগী চীফ গেষ্টকী ৱারোল পীরদুনা ওলেননা হায়খি, মণিপুর অসি মীশিং য়ামদবা অপিকপা স্টেট অমা ওইরবসু আর্ট এন্ড কালচারগী পুক্কৈ-লনগৈদি চোন্না লৈরি। লমদম অসিগী ট্রেদিশনেল মার্সিয়েল আর্ট ফোর্ম অমা ওইরিবা থাঙ-তানা লমদম অসি ঙাক্লকখিবনি। থাঙ-তা অসি মশান্না অমসু ওইরিবনি। মসিগী মথক্তা থাঙ-তা হায়রিবা মহৈ অসিগী মনুংদা খুন্নাইগী লোনচৎ, থকসি-খাশি থৌগল্লোন য়াওরি। মশা-মউ ফবা তিনজং কায়জংদবা খুন্নাই অমা শেমগৎপদা থাঙ-তানা লৌবা য়াবা থৌদাং চাউনা লৈ। অসিগুম্বা মমল য়াম্লবা ঐখোয়গী ট্রেদিশনেল মার্সিয়েল আর্ট-ফোর্ম নৎত্রগা মশান্না অসিবু য়োকখৎনবা অমসুং কন্নবা হোৎনবা হায়বসি হৌরক্লিবা মীরোলগী তঙাই ফদবা থৌদাংনি।
ফেষ্টিবেল অসিগী ঙসি অহৌবা নুমিৎতা কংলৈপাক থাঙ-তা কালচারেল একাডেমিগী মহৈরোয়শিংনা তোঙান-তোঙানবা পার্ফোমেন্স কয়া উৎখি।
সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু