এম য়ুগী লাইরিক্কী মেলাদা কুকিগী লাইরিক য়োল্লম্লে হায়দুনা ৱাথোক ওইখ্রে
ইম্ফাল, দিসেম্বর ০৯ : মণিপুর য়ুনিভার্সিটিগী মহৈরোয়শিংগী লূপ মণিপুর য়ুনিভার্সিটি ষ্টুদেন্টস য়ুনিয়ন (মুসু), ২০২২-২৩ না শীন্দুনা থা অসিগী ৫দগী চত্থরক্তুনা ১১ ফাওবা চত্থখিগদবা ‘বুকস ফোর পিছফুল কোএগজিষ্টেন্স’ হায়না মিংথোনবা লাইরিক্কী মেলাদা হাংবা ষ্টোলশিংগী মনুংদগী অমদা কুকিশিংগী লাইরিক ‘দি এঙ্গলো-কুকি ৱার, ১৯১৭-১৯১৯ হায়না মিংথোনবা অমা য়োল্লম্বদগী ৱাথোক ওইখ্রে হায়রি।
মে ৩দগী কুকিশিংনা সিপরেট এদমিনিষ্ট্রেসনগী দিমান্দ তৌরদুনা তমথীরবা লান চত্থরক্লিঙৈগী চৈরক্তা মণিপুরগী অরানবা পুৱারীশিং ইশিল্লে হায়দুনা য়ানীংদবা ফোঙদোক্নরিবা লাইরিক অসিবু ষ্টোল অমদা য়োল্লম্লে হায়বদগী মেলা অসিবু শিল্লিবা মুসুগী থৌমীশিং লাক্তুনা খুদক্তা লাইরিক অসি য়োন্দনবা ষ্টোল অদুদা খঙহন্দুনা য়োলহনখিদ্রে হায়রি। লাইরিক অসি জাংখোমাং গুইতে অমসুং থোঙ্খোলাল হাওকিপ কৌবা মীওই অনীনা এদিটর ওইদুনা পুথোকপনি।
পনবা য়াবদি, নুমিৎ খরনিগী মমাঙদা রিলিফ কেম্পতা লৈরক্লিবা মীওইশিংনা শাজবা পোৎলমশিং য়ৈানবা মেলা অমা ইবোয়ইমা শুমাং লীলা শঙলেন্দা আর দি এন্দ পি আর লোয়শঙগী মখাদা মণিপুর ষ্টেট রুরেল লাইভলিহুদ মিসননা শীন্দুনা পাঙথোকখিবদসু মেলাগী ষ্টোল অমদা কুকিগী ফিরোলশিং য়োন্ননবা হোৎনরম্লে হায়বগী ৱাথোক অমসু লৈখ্রবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু