আসাম লৈঙাক্না মণিপুরী লোলবু আসামগী দিষ্ট্রিক্ট ৪দা ওফিসল লেংগ্বেজ ওইনা চৎনরগনি ফোঙদোকখ্রে
ইম্ফাল, ফেব্রুয়ারি ২৪ : মণিপুরী য়ুথস ফ্রন্ট ওফ আসাম (এম ৱাই এফ এ) হেদ ক্বার্টর রোংপুর, সিলচরনা পাউগী মীফম অমা পাঙথোক্তুনা আসাম লৈঙাক্না মণিপুরী লোলবু আসামগী দিষ্ট্রিক্ট মরিদা ওফিসেল লেংগ্বেজ ওইনা চৎনরগনি হায়না লাউথোকখিববু হরাও নুংঙাইনা ফোঙদোকখ্রে হায়রি।
চীফ মিনিষ্টর ডা. হিমন্ত বিশ্ব সর্মা
এম ৱাই এফ এ গী চীফ এদভাইজর সেরাম হেরাজিৎনা ফোঙদোকখিবদা, হৌখিবা ফেব্রুয়ারি ২৩দা আসাম লৈঙাক্কী চীফ মিনিষ্টর ডা. হিমন্ত বিশ্ব সর্মা লোয়ননা আসামগী কেবিনেট মিনিষ্টরশিং, লক্ষিপুরগী এম এল এ কৌশিক রাইবু মখোয়না মণিপুরী লোলবু আসামগী কাছার দিষ্ট্রিক্ট, হাইলাকান্দি দিষ্ট্রিক্ট, করিমগঞ্জ দিষ্ট্রিক্ট অমদি হোজাই দিষ্ট্রিক্টতা মণিপুরী লোলসি ওফিসেল ওইান চৎনরগনি হায়না লাউথোকখিবগীদমক থাগৎপা ফোঙদোকখি।
মহাক্না মখা তানা ফোঙদোকখিবদা, কুমজা ২০২৪ গী ফেব্রুয়ারি ২৩ অসি আসামাগী পুৱারীগী লামায়দা আসামদা খুন্দারিবা মীতৈশিংগীদমক্তা ওইনদি ময়েক লানা লৈহৌরগদবা নুমিৎ অমা ওইরগনি। হায়রিবা নুমিৎসিগী নীংশিং থৌরম এম ৱাই এফ এনা কুমজা খূদিংগী পাঙথোক্লগনি হায়রি।
এম ৱাই এফ এ গী সেক্রেটারি জেনারেল তম্পাকময়ুম সলাউ উদ্দিননা মীতৈ-পাঙল ইচিল-ইনাও ময়াম্না শরুক য়াবীদুনা আসাম লৈঙাক্কী মফমদা লিশাং শিৎনা তকশিল্লকপদগী ঙসিগী ওফিসল লোল ওইবা ফংলকপনি। মরম অদুনা অসামদগী তোঙান তোঙানবা দিষ্ট্রিক্টশিংদা খুন্দারিবা মীতৈ পাঙল ইচিল-ইনাওশিংবুসু এম ৱাই এফ এগী মায়কৈদগী ঙমখৈ লৈতনা থাগৎপা ফোঙদোকখি।
এম ৱাই এফ এ গী প্রেসিদেন্ট থাংজম ব্রোজেননা হায়খিবদা, অসামগী বরাক তম্পাক্তা খুন্দারিবা মীতৈশিংনা হৌখিবা কুমজা ২০১৯ দগী লেপ্পা লৈতনা মণিপুরী লোলবু অসামনা শক খঙবীদুনা ওফিসল লোল ওইহন্নবা লেপ্পা লৈতনা তকশিন্দুনা লাকখিবনি। মদুগী মহয়না ঙসিদি মায় পাকপা ফংলকপনি। লূপসিনা শীনবা ঙসিগী পাউগী মীফমদুদা পি ঐচ লোকনাথ, এন রঞ্জিৎ, সাবির আহম্মদনচিংবা মীয়ামগী লুচিংবা কয়ানা শরুক য়াখি।
সোর্স: হুইয়েন লানপাউ
অসম সরকার সঠিক সিদ্ধান্ত নিয়েছেন।