আপডেট:
image

অইবগা উনবগী থৌরম পাঙথোকখ্রে

ইম্ফল, নভেম্বর ১৪ : মণিপুরী সাহিত্য পরিষদ মেঘালয় অমসুং ফুঙ্গা হেরিতেজ অনীনা খূৎশম্নদুনা শিল্লংদা লৈবা ফুঙ্গা হেরিতেজগী মিনি অদিটোরিয়ামদা অইবগা উনবগী থৌরম অমা ওইনা সাহিত্য একাদেমি এৱার্দি সরতচান্দ থিয়ামগা উনবগী থৌরম অমা থা অসিগী তাং ১০ দা পাঙথোকখ্রে।
মণিপুরী সাহিত্য পরিষদ মেঘালয়গী প্রেসিদেন্ট মুনিশ নিংথৌজমনা থৌরম অসি পাঙথোকপগী মরমদা হায়খি, ঐখোয়গী মণিপুরী লিটরেচর অসি থাক য়াম্না ৱাংই হায়বসি পূম্নমক্না খঙনরবা ৱাফম্নি। অসিগুম্বা ইনাক খুল্লবা সাহিত্য অসি মণিপুরগী মপান্দা খঙহনবা য়াম্না চাউথোকচরিবা অসি মপান্দা লৈজরিবা ঐখোয়না করিগুম্বা খরা শন্দোকপা ঙম্লকপসিনি। অসিগুম্বা থৌরম অসি য়াম্না তোইনা পাঙথোকপা ঙম্লিবমখৈ ঐখোয়বু শকখঙবা ঙমহনগনি।

উনবগী থৌরম অদুদা মপূং ওইনা শরুক য়াখিবা সরতচান্দ থিয়াম্না মহাক্না ইবা হৌরকখিবা অমসুং হৌজিক ফাওবদা সাহিত্যগী লম অসিদা চঙশিল্লকপগী মতাঙদা ৱাফম কয়া থমখি। থৌরম অসিদা শরুক য়াখিবশিংনা হৌজিক ওইরিবা মণিপুরী সাহিত্য অমসুং মসিবু মণিপুরগী মপান্দা হেন্না খঙহন্নবগী মতাঙদসু ৱাফম কয়া ফোঙদোক্লখি।

থৌরম অসিগা মরী লৈননা সরতচান্দ থিয়ামনা হায়খি, ঐখোয় হৌজিক্তি অপিকপা কা অমদা নৈশিন্দুনা লৈবগী মতম অদু নত্ত্রে। ঙসিগী অসিগুম্বা মণিপুরগী মপান্দা লৈখ্রবা মণিপুরীশিংনা মশাগী লোল অমসুং সাহিত্যবু নুংশিজবা অদুমক উৎপা ঙম্লিবসি য়াম্না থাগৎনিংঙাইনি। মসিনা ঐখোয়গী ইনাক খুল্লবা সাহিত্য অসি অৱাংবা থাক্তা পুখৎপদা হেন্না মতেঙ ওইরগনি।

থৌরম অদুদা মণিপুরী সাহিত্য পরিষদ মেঘালয়গী সেক্রেটারি ডাঃ কমলজিৎ চিরোমনা মহাক্কী ওইবা ত্রান্সলেসনগী লমদা হোৎনরিবশিং অদু ময়েক শেংনা ফোঙদোকখি। সাহিত্য একাদেমি এৱার্দ ফংখ্রবা বি এম মাইস্নাম্বগী লাইরিক ইমাসি নুরাবীবু মহাক্না ইংলিমতা হন্দোক্তুনা মণিপুরী সাহিত্যগী মগুন খঙহনবা ঙম্নবগীদমক লাইরিক ওইনা ফোঙদোকপসি য়াম্না নুংঙাই। তশেংনা হায়রবদা মণিপুরী লাইরিক কয়া ইংলিশতা হন্দোক্তুনা ফোঙবগী তঙাইফদবা য়াম্না লৈরি। ঐহাক্নসু হেক ঙম্লিবমখৈ হন্দোক্তুনা ফোংনবা হোৎনখিগনি।

থৌরম অসিগা মরী লৈননা সরতচান্দ থিয়ামনা ইবা শৈরৈং খরা পাথোকখি। কমলজিৎনসু মহাক্না হন্দোক্লিবা লাইরিক অসিগী শরুক খরা পাদুনা ময়ামদা তাহনখি।

সোর্স: পোক্নফম      

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু