লিটরেরী ফোরাম ত্রিপুরানা লান্থোক্কদৌরি বঙ্গবীর ইয়ং টেলেন্ট এৱার্ড অমসুং বাবারে-তারামনি নেশনেল এৱার্ড
আগরতলা, সেপ্টেম্বর ০৭ : মণিপুরী লিটরেরী এ্যন্ড কলচরেল ফোরাম, ত্রিপুরানা মণিপুরী লোল, সাহিত্য, সংস্কৃতি নচিংবা চাওখৎনবা হোৎনবদা থৌদাং লৌরিবা মণিপুরগী শক্নাইরবা অইবা অমা ত্রিপুরাগী মীওই অহুমদা এৱার্ড পীদুনা ইকাইখুম্নগদৌরি।
লাক্লিবা সেপ্টেম্বর তাং ১৫, সাহিত্য একাদেমি নজরুল কলাক্ষেত্র হোলদা পাঙথোক্কদবা থৌরম অমদা মণিপুরগী শক্নাইরবা অইবা ট্রান্সলেটর ক্রিটিক লোংজম জয়চন্দ্রদা ‘বাবারে তারামনি মেমোরিয়েল নেশনেল এৱার্ড, ২০২৪’ পীদুনা ইকাইখুম্নগনি। এৱার্ড অসিদা শেল ওইনা লুপা লিশিং তরা, শাল অমা, শক্তাকচে য়াওগনি হায়রি। এৱার্ড অসি ত্রিপুরাগী শক্নাইরবা অইবা খোইস্নাম মংগলনা মহাক্কী লৈখিদ্রবা মপা-মমাগী মমিংদা কৎপা এৱার্ড নি।
থৌরম অদুদা লুপ অসিনা ইহান হানবা ওইনা বিশালগৎ ঢাকাবাড়ীগী শক্নাইরবা পুংগী ওঝা মায়থাম ক্ষীরমোহন সিংহদা ‘লাইভ টাইম এচিভমেন্ট এৱার্ড ২০২৪’ পীদুনা ইকাইখুম্নগনি হায়রি। লোয়ননা জগোইগী লমদা থৌদাং চাওনা লৌরিবী লালসিংমুড়াগী লৈশাংথেম আশা সিংহ অমসুং সাহিত্যগী লমদা ছেছুড়িয়াগী ময়েংবম প্রদ্যোত সিংহদা ‘খোইস্নাম বংগবীর মেমোরিয়েল ইয়ং টেলেন্ট এৱার্ড’ পীদুনা ইকাইখুম্নগনি হায়রি। এৱার্ড অসিসু খোইস্নাম মংগলনা লৈখিদ্রবা মচা নুপাগী মমিংদা কৎপনি।
থৌরম অদুদা ইকফাই ইউনিভার্সিটিদগী এম. এ (এডুকেশন) দা অহানবা গোল্ড মেডেল ফংলবী বামুটিয়াগী ফিজবম চনু অনন্দিতা দত্তবুসু ফোরাম মাইকৈদগী ইকাইখুম্নগনি হায়রি। থৌরম অদু ফোরামগী প্রেসিদেন্ড এন বীরনা থৌরম মপু ওইরগা এম. এল. এ য়েলাম বীরজিৎ সিংহনা চীফ গেস্ট ওইগনি হায়রি। থৌরম অসিগা মরী লৈননা একাডেমি এৱার্ডি সোরোকখাইবম গম্ভিনীনা মোডরেটর ওইরগা শৈরেং শৈদিন্নবা থৌরম অমসু পাঙথোক্কনি হায়না লিটরেরী ফোরাম অসিগী সেক্রেটারী কেএইচ মংগলনা হায়রি।
সোর্স: মরূপ
0 কমেন্ট:
কমেন্ট তৌবিয়ু