লাইনিংহল নাওরিয়া ফুলো (ফুন্দ্রৈ) গী নীংশিং থৌরম পাঙথোকখি
ইম্ফাল, আগস্ট ১৯ : ঙরাং মীতৈ মরুপকী ময়াই লোয়শঙ, মীতৈ শঙলেন, ৱাংখৈ থম্বালখোং, ইম্ফালদা মীতৈ মরুপ, মীতৈ লৈপাক (মণিপুর) না শিন্দুনা লাইনিংহল নাওরিয়া ফুলো (ফুন্দ্রৈ) গী ১৩৪ শুবা মপোক নীংশিং থৌরম নোংথোম্বম মঙ্গি মীতৈ, থৌবুরেন (প্রেসিদেন্ট), মীতৈ মরুপ, মীতৈ লৈপাক (মণিপুর) না থৌরম মপু ওইদুনা পাঙথোকখি হায়রি।
থৌরম অসিদা লৌরেম্বম রামেশ্বর মীতৈ, কৈরাও কংলা পানাগী কংলালোই (এমএলএ) না অথোইবা মীথুংলেন অদুগা ডাঃ লৈখায় লায়ৎকী ঙমথং মপুরেল (উপ-অধ্যক্ষা), থম্বালখোং লৈকাই লায়াৎকী মীহুৎ (প্রধান) ওইরিবী কোইজম রোমা, মঙশাতাবম ইবোমচা মীতৈ, এদভাইজর, মীতৈ মরুপ, মুতুম জাতি, পুরেল, অপোকপা মরুপ অমদি ময়েংবম প্রমোচান্দ, প্রেসিদেন্ট, মীতৈ মরুপনা অখন্নবা ফমফম্লাংদা লেংশিনখি হায়রি।
থৌরমসিদা লৌরেম্বম রামেশ্বর মীতৈ, কৈরাও এসিগী এমএলএনা মীতৈ মরুপকী মচু তরেৎকী ফিরাল চিংখৎতুনা অমদি থৌরমগী মৈরা চুখৎতুনা থৌরম হৌদোকখি। লাইনিংহল নাওরিয়া ফুলো(ফুন্দ্রৈ) গী শক্তমদা লৈ-শু কৎতুনা লৈবাক মীয়াম্না ইকাই খুম্নবা উৎখি। থৌরমসিদা লৌরেম্বম রামেশ্বর মীতৈনা মীতৈ ইপা-ইপুনা চৎলম্বা অরিবা লাইনিং লিচৎতা হঞ্জিন-মিন্নদুনা মচোই মচোই তারবা মীতৈ ঐখোয় পুনশিনবা মতম ওইরে হায়বা ৱাফম খমখি।
হিরোম পাখংবা, প্রেসিদেন্ট, য়ুনিভার্সেল মীতৈ নেসনেল ফ্রন্টনা নমশিন্দুনা থম্লুরবা মীতৈ লাইনিং লিচৎ (সনামহি লাইনিং) অসি ইন্দিয়া লৈঙাক্কী রিলিজন কোড অমা লৌনবগীদমক্তা হন্দক এসেমব্লিগী নোংজু মীফমদা খোংবান্তাবম ইবোমচা, এমএলএ, লম্লাই এসিনা পুখৎতুনা রিএফার্ম তৌখি। অদুবু লৈবাক মীয়াম হুপ্না মরি লৈনবশিংদা তকশিনমিন্নদুনা রিলিজন কোড অমা লৌদুনা লাক্কদৌরিবা মীকোক থিবদা য়াওহৌনবা হোৎনমিন্নসি হায়খি।
ময়েংবম প্রমোদচান্দ, প্রেসিদেন্ট, মৈতৈ লিপুননা লাইনিংহলগী মপোক নুমিৎ অসি লৈঙাক্কী থাক্তা পাঙথোক্নবগীদমক্তা ষ্টেট হোলি ডে/ রেক্ট্রিক্টেদ হোলিডে ওইহন্নবা মরি লৈনবশিংদা তকশিনমিন্নসি হায়না মহাক্কী ওইবা অকনবা ৱাফম থমখি। থৌরমসিদা মাইকৈ কয়াদগী লাকখিবা শক্নাইরবা মীওই কয়ানা লাইনিংহলগী তৌজরম্বা থবকশিংদা তোঙান-তোঙানবা ৱাখল্লোন্দা মাগী-মাগী ওইবা ওবজার্বেসন কয়া পীখি হায়রি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু