রাজর্ষি ভাগ্যচন্দ্র লৈখিদবগী ২২৪শুবা কুমওন নুমিৎ হুম্নি চুপ্না বাংলাদেশতসু পাংথোকখ্রে
সিলেট, সেপ্টেম্বর ৩০: নুমিৎ হুম্নি চুপ্না ২২৪শুবা রাজর্ষি ভাগ্যচন্দ্র লৈখিদবগী নিংশিং কুমওন থৌরমগী অহান্বা নুমীৎ সেপ্টেম্বরগী ২৭ মৌলভীবাজার জেলাগী কমলগঞ্জ উপজেলাগী মনুং চন্না লৈবা নয়াপত্তনগী শ্রী শ্রী রাধাকিশোর শর্মা মান্ডোবতা পূজা অর্চনা অমদি রাজর্ষি ভাগ্যচন্দ্রগী ফোটোদা হৈকৎ-লৈকৎ কৎতুনা থে্ৗরম হৌদোকখি।
পনবা য়াবদি, বাংলাদেশকী মৌলভীবাজার ডিস্ট্রিক্টতা বেস তৌবা লূপ ‘রাজর্ষি ভাগ্যচন্দ্র প্রয়াণ বার্ষিকী উদযাপন কমিটি’ অমসুং মণিপুরগি ‘রাজর্ষি ভাগ্যচন্দ্র কালচারাল ফাউন্ডেশন’ গী মখাদা লৈবা Organizing commitee of 224th death anniversary of rajashri Bhagyachandra লূপ অনি পুল্লগা থৌরম অসি পাংথোকখিবনি।
মণিপুর কালচারাল আশ্রম, ইম্ফালনা নট সংকীর্ত্তন, মণিপুর মনোহর সাই সভা, ইম্ফালগী আর্টিষ্টশিংনা মণোহর সাই অমদি শকনাইরবা শ্রী কে ব্রজমণি শর্মানা গীতা প্রবচন পাঠ তৌখি। লোয়ননা বাংলাদেশকী খূবাক ঈশৈ শৈশকপী কাংবুনা খুবাক ঈশৈ শকখি। নুংথিলগী থৌরমদা একাডেমী ফর মণিপুরী কলচর এন্ড আর্টস, সিলেটকী আর্টিষ্টশিংনা সূর্য প্রণাম, শকনাইরবা আর্টিষ্ট কেয়া সিনহানা দশ অবতার, এন নীলাক্ষ্মী ভরদ্বাজ, মণিপুরনা সোলো ডান্সকা লোয়ননা রাজর্ষি ভাগ্যচন্দ্র কালচারল ফাউন্ডেশন, মণিপুরগী আর্টিষ্টশিংনা কুঞ্জরাস উৎখি।
মথংগী নুমীৎ সেপ্টেম্বরগী ২৮ শ্রী শ্রী রাধাকিশোর শর্মা মান্ডোবতা অয়ুক্কী সেশনদা তর্পন অমদি রাজর্ষি ভাগ্যচন্দ্রগী পুন্সী ৱারী হিরমদা নৈন-মীফম অমসু পাংথোকখি। মণিপুরদগী লেংবিরকপা রাজর্ষি ভাগ্যচন্দ্র কলচরল ফাউন্ডেশনগি এডভাইজার ককচিংতাবম কুমার শর্মানা প্রিসাইড তৌবা নৈন-মীফম অদুদা চীফগেষ্ট ওইনা বাংলাদেশ ট্যুরিজম বোর্ডকী ডিরেক্টর মোহাম্মদ সাইফুল হাসান, স্পেশাল গেস্টতা মহারাজকুমারী হেমামঞ্জুরী দেবী, মণিপুর অমসুং এল জয়ন্ত সিংহ, প্রেসিডেন্ট, মণিপুরী কালচারাল কমপ্লেক্স, অমদি কী-নোট এড্রেস থম্বিখী মণিপুরদগী ওজা তখেল্লম্বম ইরাবত সিংহ, ট্রেজরর, রাজর্ষি ভাগ্যচন্দ্র কলচরেল ফাউন্ডেশন, মণিপুর, মথংদা স্পেশাল স্পীচ বি. আমুসানা শর্মা, চিফ এডভাইজার, রাজর্ষি ভাগ্যচন্দ্র কলচরেল ফাউন্ডেশন, মণিপুর অমদি থোঙাম প্রহলাদ, কনভেনর অর্গনাইজিং কমিটি, বাংলাদেশ ৱা ঙাংবিখি। ওর্গানাইজিং কমিটিগী মেম্বার সেক্রেটারী সনাতন হামোমনা ওয়েলকাম স্পীচ থম্বিখি।
হুম্নি সুবা নুমীৎ সেপ্টেম্বরগী ২৯, ওর্গানাইজিং কমিটি অমদি একাডেমী ফর মণিপুরী কলচর এন্ড আর্টস (আমকা), সিলেটকা খুৎশম্নদুনা সিলেটকী রাজবাড়ীদা লৈবা শ্রীশ্রী গৌড়াঙ্গ মহাপ্রভু জিউ মন্দিরদা নুমিৎ চুপ্পমগী থৌরম অমসু পাংথোকখি।
0 কমেন্ট:
কমেন্ট তৌবিয়ু