ইমালোলনা মহৈ তম্বগী খুদোংচাবা পীরবা মণিপুরীবু লৈঙাক্কী লোল ওইহনবীয়ু
আগরতলা, এপ্রিল ১৩ : আসাম লৈঙাক্না ঐখোয়বু ইমালোল মণিপুরীনা লাইরিক তম্বগী খুদোংচাবদি পীরগা সরকারগী থবক লৌবগী পরীক্ষা (জব ইন্টারভিয়ু) দনা আসামীজ, বেঙ্গলী অমসুং বোড়ো লোলনা থাগদবনি হায়বসি ঐখোয়গী হকপু লৈঙাক্না মৎপীরে হায়না তাকপনি। অদুনা ঐখোয়গী লোল মণিপুরী আসাম লৈঙাক্কী এসোসিয়েট ওফিসিয়েল ল্যাঙ্গুয়েজ ওইগদবনি হায়না মণিপুরী য়ুথ ফ্রন্ট আসাম (মাইফা) গী চীফ এডভাইজর সেরাম হেরাজিৎনা হায়খ্রে।
আসামগী মুখ্যমন্ত্রী ড. হেমন্ত বিশ্ব শর্ম্মাদা পীশিনখিবা মেমোরেন্ডামগী হীরম অসিগা মরী লৈননা পাউমীশিংনা উন্নবদা মহাক্না ৱাফম অসি ফোঙদোকখিবনি। ভারত সংবিধানগী আর্টিকেল ৩৪৭ গী মনুঙদা লোলবু আসাম লৈঙাক্কী অফিসিয়েল ল্যাঙ্গুয়েজ ওইনা শক খঙবিনবা দাবী তৌদুনা মাইফানা মুখ্যমন্ত্রী ড. হেমন্ত বিশ্ব শর্ম্মাদা মেমোরেন্ডাম অমা পীশিনখি। চৎখিবা লৈবাকপোকপা নুমিৎ এপ্রিল ১১, মাইফাগী মীহুৎ কাঙবু অমনা কাছাড়গী এডি. ডেপুটি কমিশনার দীপক জিডুংগা হকথেংননা উন্নদুনা মহাক্কী খুত্থাংদা মেমোরেন্ডাম পীশিনখি।
এ.ডি.সি দীপক জিডুংনা মেমোরেন্ডাম অসি মূখ্যমন্ত্রীদা য়ৌহনবিগনি হায়না থাজবা পীরকখি হায়রি। মেমোরেন্ডাম অদুদা মণিপুরীশিং ১৫ সেঞ্চুরীদগী আসামদা খুন্দা-লৈতাদুনা লৈরক্লবনি। ইং ১৯৫৬ দগী আসামদা মণিপুরী মিডিয়াম ওইনা তম্বা হৌরকখি, ইং ১৯৯৭ দা আসাম ইউনিভার্সিটিগী থাক্তা মণিপুরী অসি বি.এ, এম. এ লোয়ননা এম-ফিল, পি. এইচ. ডিসু তম্বা য়াখ্রে, লোল অসি ভারত সংবিধানগী ৮ শুবা সেদুল্ডা চনবা লোল অমা ওইবনা আসাম লৈঙাক্কী এসোসিয়েট ওফিসিয়েট ল্যাঙ্গুয়েজ ওইনা লৌবিগদবনি লোয়ননা সংবিধানগী আর্টিকেল ৩৪৭ গী মনুঙদা মণিপুরী লোল অসি আসাম লৈঙাক্কী লোল অমা ওইনা শক খঙবিগদবনি হায়বা ৱাফম মেমোরেন্ডাম অদুদা পল্লি হায়রি।
আসাম লৈঙাক্না করিগুম্বা মণিপুরী লোলবু মশক খঙবিদবা তারবদি মাইফানা অকনবা খোঙজং অদু চত্থরগনি হায়বা ৱাফমসু পাঙমীশিংদা ফোঙদোকখি। পনবা য়াবদি মেমোরেন্ডাম পীবদা য়াওখিবা মীহুৎ কাঙবুশিং অদুদি মাইফাগী প্রেসিদেন্ড থাংজম ব্রজেন, ভিপি তম্পাক ময়ুম রহান উদ্দিন, সেক্রেটারী জেনারেল তম্পাক ময়ুম সালাউদ্দিন, জেনারেল সেক্রেটারী ৱাহেংবম সুরেন্দ্র নচিংবা শরুক য়াখি।
সোর্স : মরূপ
0 কমেন্ট:
কমেন্ট তৌবিয়ু