ইমাগী খুয়াখাদা' শৈরেং লাইরিক্বী মখুম হাঙদোকপগী থৌরম সিলেটতা পাংথোকখ্রে
সিলেট, এপ্রিল ২০: ঙসি ২০ এপ্রিল ২০২২, য়ুমশাকৈশা নুমিৎ নুংথিল পুং ৪ঃ৩০ তাবা মতমদা এন.এম.এডুকেশনাল ট্রাস্ট'ন শিল্লাংদুনা বাংলাদেশক্বী অহান্বা নূপী কবি লৈখ্রিদ্রবা এল.পদ্মামনি দেবী'গী "ইমাগী খুয়াখাদা' হায়না মীংথোন্বা শৈরেং লাইরিক্বী মখুম হাঙদোকপগী থৌরম অমা সিলেটক্বী হোটেল পানসী ইন কন্ফারেন্স ওদিটোরিয়ামদা পাঙথোকখ্রে।
কবি এল.পদ্মামনি দেবী'গী মচানুপা এন.এম.এডুকেশনাল ট্রাস্টকী চেয়ারম্যান শ্রী এল.নন্দলাল সিংহ'না থৌরম মপু অমসুং অথোইবা মীথুংলেন ওইনা লৈতেংবিখী আগরতলা, ত্রিপুরাদগী লেংবিরকপা ওজা এল.বীরমঙ্গল সিংহ -মেম্বার, মণিপুরী ল্যাঙ্গুয়েজ এডভাইজরি বোর্ড,সাহিত্য একাডেমী, ভারত, ওজা রঘুনাথ সরকার- প্রোপাইটার, ত্রিপুরাবানী প্রকাশনী, ওজা আশিস কুমার বৈদ্য - অইবা অমসুং রিসার্চার লোয়ননা বাংলাদেশ মণিপুরী মহিলা সমিতিগী প্রেসিডেন্ট এস.রীনা দেবী। জয়শ্রী দেব জয়া'না কন্ডাক্ট তৌবা থৌরমদুদা অহন্বদা ওয়েলকাম এড্রেস থাম্বিখি কবিগী মচানুপী ডাঃ বাবলী দেবী। মথংদা ফোংলিবা শৈরেং লাইরিক অমসুং কবি এল.পদ্মামনি দেবী'গী মরমদা ৱা ঙাংবিখি কবি পি.মিনতি দেবী, এডুকেশন ইন্সট্রাক্টর রীমা দাশ, মণিপুরী মুসলিম ডেভলপমেন্ট অর্গানাইজেশনগী জেনারেল সেক্রেটারী কবি সাজ্জাদুল হক স্বপন অমসুং থিয়েটার এন্ড সোস্যাল এক্টিভিস্ট এম.উত্তম সিংহ রতন।
বাংলাদেশক্বী অহান্বা নূপী কবি লৈখ্রিদ্রবা এল.পদ্মামনি দেবী খৃ: কুমজা ১৯৪৭গী জুন ১৩ দা সিলেট সিটিগী আম্বরখানা কৌবা লৈকায়দা পোকখি। মহাক বাংলাদেশ মণিপুরী সাহিত্য সংসদকী (বামসাস) প্রেসিদেন্ট ওইনসু থৌ পুবিরম্মী। বাংলাদেশকী নুপী অইবি অমা ওইনা ত্রিপুরা, মণিপুরনা চিংবা মফম কয়াদা পাংথোকপা সাহিত্যগী থৌরমদা শরুক য়াবিরম্মি অমসুং বাংলাদেশকী মণিপুরী সাহিত্যগী চাওখৎ থৌরমদসু শরুক য়াবিরম্মী।
- ট্যাগ:
- Bangladesh
0 কমেন্ট:
কমেন্ট তৌবিয়ু