আপডেট:
image

অ্যাপল কারগী মরমদা ৱারী শান্নবা লেপখ্রে হুন্দাই

মিরর টেক ডেস্কঃ ওটোমেটেড কার শেম্বগী মরমদা মখোই অ্যাপলগা অতৈ ৱারী শান্নদ্রে হায়না ঙসি নিংথৌকাবা নুমিৎ খা কোরিয়াগী গাড়ী শেম্বা কোম্পানী হুন্দাই মোটর অমসুং কিয়া মোটরসকী মাইকৈদগী খংহনখ্রে। পাউ অসি তারবা মখাদা খা কোরিয়াদা হুন্দাই অমসুং কিয়াগী শেয়ার মমল খুদক্তা ৬.২১ অমসুং ১৫% তাথখ্রে। হুন্দাইগী অতৈ লোয়নবা কোম্পানীগী শেয়ার মমলসু মখা হন্থখ্রে।

কোম্পানীসিনা হায়রি, কোম্পানি কয়াগী মাইকৈদগী জোয়েন ভেঞ্চারদা ওটোমেটেড কার শেম্নবগী প্রোপোজাল মমাঙৈদগী ফংদুনা লাক্লি। অদুবু পুম্নমক অঙনবা তাঙ্ককতা লৈবনা ৱারেপ অমত্তা লৌদ্রি। অতৈসু হায়রি, হুন্দাই মোটর ওটোমেটেড কার শেম্বগী মতাংদা অ্যাপলগা অতৈ ৱারি মখা তানা শানদ্রে হায়না।

কিয়া হুন্দাই মোটর গ্রুপকী লোয়নবা কোম্পানীনি। অসিগী মমাংদা রয়টার্সকী রিপোর্ট অমদা হায়খি, অ্যাপলগী অটোমেটেড কার শেম্বগী মরমদা হুন্দাইগা কন্না ৱারী শান্নরী হায়না। মদুগী খরনি মতুংদা অমুক হায়খি, হুন্দাই মোটর নত্তে, লোয়নবা কোম্পানী কিয়া মোটরসননী অ্যাপলগী ওটোমেটেড ইলেক্ট্রিক কার শাদৌরিসে। অমরোমদা ৱাল স্ট্রিট জার্নালগী রিপোর্ট অমদা হায়রি, আমেরিকাগী জর্জিয়াদা লৈবা অ্যাপলগী ওটোমেটেড কার ফ্যাক্টরিদা গাড়ি শেম্নবগি দমক কিয়ানা লোয়নবা কোম্পানী থিরি হায়না। সিএনবিসিনা খরা হেঞ্জিননা হায়রি, মখোয়গী মনুংদা এগ্রিমেন্ট তৌবগী শেম শারি।

ওটোমেটেড কার শেম্বগি মরমদা অ্যাপলনা কৈদৌঙৈদা ফোংনা হায়দোকখিবা করিসু লৈখিদে। মখোয়না ফোংলগে হায়না লেপত্রিফাও প্রোজেক্টকী পাউ পুম্নমক লোতশন্না থম্বা পাম্মী অ্যাপল। অদুবু সোর্স কয়াদগী খংবা ঙমখি, কোম্পানীসিগী মনুংদা প্রোজেক্ট অসি ‘প্রোজেক্ট টাইটান’ হায়না খংনৈ। শোক ২০১৪ দগিনা থবক হৌখ্রে হায়না রয়টার্সকী রিপোর্টতদি হায়রি। ২০২৪ কী মনুংদা মার্কেটতা অ্যাপল কার থাদোকপগী ৱানি।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু