ককবরক এ্যন্ড ও.এম.এল না শীন্দুনা মণিপুরী ল্যাঙ্গুয়েজ ডে পাঙথোকখ্রে
আগরতলা, আগষ্ট ২৩ : মখল মথেলগী থৌরম কয়াগা য়াওনা ত্রিপুরাদসু ‘মণিপুরী ল্যাঙ্গুয়েজ ডে’ পাঙথোকখ্রে। ইং ১৯৯২ গী আগস্ট তাং ২০ মণিপুরী লোলবু সংবিধানগী ৮ শুবা সেদুল্ডা চনখিবা নুমিৎ অসিবু নীংশিংবা ওইনা ডিরেক্টরেট অব ককবরক এ্যন্ড আডার মাইনোরিটি ল্যাঙ্গুয়েজ লোয়শঙ না নুমিৎ নিনি চংনা আগস্ট ২০ অমসুং ২১ ‘মণিপুরী ল্যাঙ্গুয়েজ ডে’ পাঙথোক্তুনা লোইশিনখি। অহানবা নুমিৎ অয়ুক্তা য়াইফা খোঙচৎ অমা মণিপুরী লৈকাই থুংনা চৎখি। মথং নজরুল কলাক্ষেত্র অডিটোরিয়ামদা অহানবা হৌদোকপগী থৌরম পাঙথোকখি।
থৌরমদু মুখ্যমন্ত্রী ড. মানিক সাহানা হৌদোকপীগনি হায়রম্বদু মহাক্কী মহুৎ শিল্লগা আগরতলা পুরপিতা অমদি এম.এল.এসু ওইরিবা দীপক মজুমদারনা হৌদোক্কনি হায়বদু মহাকসু লাকখিদে। অদুনা থৌরম অদু মণিপুরী সাহিত্য পরিষদ, ইম্ফালগী প্রেসিডেন্ট এল জয়চন্দ্রনা মৈরা চুখত্তুনা হৌদোকপীখি। ককবরক এ্যন্ড আডার মাইনোরিটি ল্যাঙ্গুয়েজ লোয়শঙগী ডিরেক্টর আনন্দ হরি জামাতিয়ানা থৌরম মপু ওইরগা হৌদৈাকপগী থৌরম অদুদা মণিপুরী ল্যাঙ্গুয়েজ এডভাইজরি কমিটিগী ভাইস চেয়ারম্যান থৌদাম নীলকুমার সিংহ, ত্রিপুরাগী মণিপুরী সাহিত্য পরিষদকী প্রেসিডেন্ট এল বীরমঙ্গল, শিলচরদগী মণিপুরী লিটরেরী সোসাইটি, আসামগী প্রেসিডেন্ট শক্নাইরবা অইবা এল মংলেম্বা অমসুং ককবরক এ্যন্ড আডার মাইনোরিটি ল্যাঙ্গুয়েজগী ডেপুটি ডিরেক্টর সব্যসাচী নচিংবা শরুক য়াখি। থৌরম অদুদা গোলাঘাটিগী হাওবম রবীন্দ্র কুমার সিংহ, ধলেশ্বরগী নিংথেম ওংবী পদ্মবতী সিংহ, অভয়নগরগী কেএইচ রুহিনী অমসুং এস পুলিন সেন মরিবু মাগী মাগী থৌদাংবু শক খঙদুনা সম্বর্ধনা তৌখি।
থৌরম অদু লমদম অসিগী শক্নাইরবী শৈশকপী ড. ক্ষেত্রিময়ুম মাধবী অমসুং মাগী টিমনা ‘ইনুং শোরা তৈরক্লে..’ কোরাসতা পুক্নিং হুরবা শৈহৌ ঈশৈ শক্তুনা হৌদোকপীখি। থৌরমগা মরী লৈনান মখল মথেলগী কালচারেল প্রোগ্রামদা শান্তি নিকেতনগী ৱাই হেমন্ত সিংহ, ইকফাইগী ৱাই নিকিতা, আগরতলাগী এইচ বংকিম সিংহ, এইচ হেনাগী টিম, কেএইচ সুদেষ্ণাগী টিমনা রাস জগোই, কুষ্ণ রূপ বর্ণন, পুং চোলোম, ঢোলক নচিংবা মখল কয়াগী থৌরম পার্ফোমেন্স তৌখি।
ঙসি আগস্ট ২১, শহীদ ভগৎসিং যুব আৱাজ অডিটোরিয়ামদা পাঙথোকখিবা সিম্পোজিয়ামদা শান্তিনিকেতনদ্গী ৱাই হেমন্তকুমার, ইম্ফালদগী এল জয়চন্দ্র, কমলপুরগী ইসমাইল মিয়া, মঠচৌমুহনী দগী এস খেলামোহন, ধলেশ্বরগী ডব্লিউ ৱাংখেম, শিলচরদগী এল মংলেম্বা শরুক য়াখি। কবি সম্মেলন থৌরমদা সাহিত্য একাডেমি, নিউ দিল্লীগী মণিপুরী ল্যাঙ্গুয়েজ বোর্ডকী মেম্বর খোইস্নাম বীরলানা মোডেরেটর ওইদুনা কবিশিং শরুক য়াখি।
সোর্স: মরূপ
0 কমেন্ট:
কমেন্ট তৌবিয়ু