আপডেট:
image

‘ইমালোল নুংশিসি, মৈতৈ ময়েকসু খঙহনসি‘; ত্রিপুরাগী গৌরনগরদ ময়েক খঙহনবগী থৌরম পাঙথোক্লগনি 

আগরতলা, অক্টোবর ২0 : ত্রিপুরাগুম্বা মীরমদা মশীং লিক্না লৈরিবা জাতিবু গ্লোবেলাইজেশনগী খায়াত্তগী কনবগা লোয়ননা মতম অসিদা ইশানা ইশাবু মশক খঙবা হায়বসিসু তঙাইফদে। লমদম অসিদা মণিপুরী লোল, সাহিত্য অমসুং কলা সংস্কৃতি নচিংবা চাওখৎনবগী পান্দমদা লেপ্তনা চত্থরিবা থৌরমশিংগী শরুক অমা ওইনা মণিপুরী লিটরেরী এ্যন্ড কালচারেল ফোরাম, ত্রিপুরানা শীন্দুনা অক্টোবর তাং ২৩, নোমাইজিং নুমিৎ খোয়াই ডিষ্ট্রিক্ট মনুং চন্না লৈবা মৈতৈনা মশীং য়াম্না তাবা খুঙ্গংনি হায়না খঙনরিবা গৌরনগরদা ময়েক মশক খঙহনবগী থৌরম অমা পাঙথোক্কদৌরি। নোংমগী ওইবা থৌরম অসি রিসার্চ ফোরাম মণিপুর (রিফোর্ম) গী মতেং লৌরগা পাঙথোক্কদবনি হায়রি।

লমদম অদুগী অহল-লমন, থৱায় য়াওবা নহারোল, স্কুল কলেজগী মহৈরোইশিং লোয়ননা আগরতলাদগী অখঙ অহৈ মীওই কয়াসু থৌরম অদুদা শরুক য়াগনি হায়রি। ফোরাম অসিনা খুন্নাইগী হৌরক্লিবা নহারোল, তুংগী য়ুম্বীরেল ওইগদৌরিবা অঙাংশিংদা ইমালোলবু নুংশিহনবা, ইশাগী লোলগী ময়েক মশক খঙহনবগী পান্দমদা শীল্লাংজবা থৌরম অসিদা ময়ামসু শরুক য়াবীয়ু হায়না ফোরামগী সেক্রেটারী খোইস্নাম মঙ্গলনা প্রেসতা থাদোরকপা চেরোল অমদা হায়রি।

পনবা য়াবদি খরনি মমাংদা রিফোর্মগী মৈতে ময়েক এক্সপার্ট মীওই খরা ত্রিপুরাগী খোঙচত্তা লুপ খরগী মতেং লৌরগা খুঙ্গং খরদা ময়েক মশক খঙহনবগী এৱারনেস প্রোগ্রাম অমা পাঙথোকখিবগা লোয়ননা ময়েক মপী য়াওবা চার্ট অমসু য়েন্থোকখি।

সোর্স: মরুপ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: