মণিপুরী লোলদা মৈতৈ ময়েক মশক খঙবা; নুমিৎনিনিগী ৱার্কশোপ পাঙথোকখ্রে
আগরতলা, দিসেম্বর ১১: ত্রিপুরা লৈঙাক্বী ডিরেক্টরেট অব ককবরক এ্যন্ড আডার মাইনোরিটি ল্যাঙ্গুয়েজনা মণিপুরী লোলদা মৈতৈ ময়েক মশক খঙদোকপা ঙম্বা অমদি বাংলা ময়েক শীজিন্নদুনা মণিপুরী ইবগী ৱার্কশোপ অমা পাঙথোকখ্রে।
চৎখিবা ডিসেম্বর ৮ অমসুং ৯ নুমিৎ নিনি চুপ্পা আগরতলা নজরুল কলাক্ষেত্র সাহিত্য একাডেমি হোলদা 'টু ডেইজ ৱার্কশোপ অব মণিপুরী ল্যাঙ্গুয়েজ ওন বেসিক নোলেজ অব মৈতৈ ময়েক এ্যন্ড স্পেল্লিং মণিপুরী রাইটিং ইউজিং বেঙ্গলী স্ক্রীপ্ট' হায়বসিদা পাঙথোকথিবা ৱার্কশোপ অদুদা লমদম অসিগী মীওই কুনরোম শরুক য়াখি। ত্রিপুরাদা মৈতৈ ময়েক্কী এক্সপার্ট খোইস্নাম মংগলনা মরু ওইবা ৱার্কশোপতা রিছোর্স পার্সন ওইনা শরুক য়াখি।
নুমিৎ নিনিগী ৱার্কশোপকী অহানবা নুমিৎ রিছোর্স পার্সন খোইস্নাম মংগলনা ফোঙবা 'ইয়েক ইরোল অহানবা' হায়বা মৈতৈ ময়েক তম্না লাইরিক ময়ামদা য়েন্থোকখি। অদুগা ৱার্কশোপকী মরমদা মণিপুরী ল্যাঙ্গুয়েজ এডভাইজরি কমিটিগী ভাইস চেয়ারম্যান থৌদাম নীলকুমারনা মরু ওইবা ৱাফম ফোঙদোকখি।
সোর্স : মরূপ
0 কমেন্ট:
কমেন্ট তৌবিয়ু