৩০ শুবা মণিপুরী লেংগুয়েজ ডে পাঙথোকখ্রে

Homeস্ক্রলবার

৩০ শুবা মণিপুরী লেংগুয়েজ ডে পাঙথোকখ্রে

ইম্ফাল, আগস্ট ২০ : মণিপুরী লোলনা ইন্দিয়ান কনস্তিত্যুসনগী ৮ শুবা সেদ্যুলদা চনখিবা নুমিৎ অদুবু নীংশিংলদুনা ঙসি ৩০শুবা মণিপুরী লেংগুয়েজ ডেগী থৌরম পাঙথোক্

ইম্ফাল, আগস্ট ২০ : মণিপুরী লোলনা ইন্দিয়ান কনস্তিত্যুসনগী ৮ শুবা সেদ্যুলদা চনখিবা নুমিৎ অদুবু নীংশিংলদুনা ঙসি ৩০শুবা মণিপুরী লেংগুয়েজ ডেগী থৌরম পাঙথোক্নখ্রে। নুমিৎ অসিগী মপূং ওইবা থৌরম ডিরেক্টরেট ওব লেংগুয়েজ প্লানিং এন্ড ইমপ্লিমেন্টেসন মণিপুরনা শীন্দুনা লম্ফেলপাৎতা লৈবা এস সি ই আর টি (ষ্টেট কাউন্সিল অব এডজুকেশনেল রিসার্চ এন্ড ট্রেনিং) গী হোলদা পাঙথোকখি।
থৌরম অদুদা লেংগুয়েজ প্লানিং এন্ড ইম্লিমেন্টেশনগী ডিরেক্টর টিএইচ চিত্রানা হায়খি, ইরোল-ইয়েক লৈরম্বনা ঐখোয়না ঙসি চাউথোকচবা ঙম্বনি। ইশাগী ইরোল-ইয়েকপু য়োকখৎপা অমসুং হেন্না পাকথোক চাউথোক্নবা হোৎনবা হায়বসি ঐখোয় খুদীংমক্কী তঙাইফদবা থৌদাংনি হায়না লৌগদবনি।
মহাক্না হায়খি, লোল য়াম্না খঙবা অমসুং হৈবা অফবনি। অদুমকপু খ্বাইদগী মরু ওইবদি ইমালোল অসিনি হায়বসি খঙগদবনি। মীরোল কয়া খঙ-হৈরবসু ইমালোল নিংথিনা খঙদ্রবদু মদু শোইনাইবা অমগা পাংখক্নি হায়না লৌবা য়াই। হৌগৎলক্লিবা নহাশিংবু ইমালোল নিংথিনা হৈহনবা অমসুং খঙহনবা য়াম্না মরু ওই। মসিদা মমা ওইবশিংগী থৌদাং অদুক্কী মতীক চাউনা লৈ।
ইচা-ইশুশিংনা হৈফাত্তনা মীরোল ঙাঙবদা চাউথোক্কদবা নত্তে। মমা-মপা ওইবশিংনা চাউথোক্কদবদি ইচা-ইশুশিংনা ইমালোল নিংথিনা খঙবা-হৈবা মতমদনি। ইচা-ইশুনা মীরোল ঙাঙলগা চাউথোকপা অমসুং অফবনি খনবা অদু থাদোক্লসি হায়না চিত্রানা ফোঙদোকখি।
থৌরম অদুদা চীফ গেষ্ট ওইনা শরুক য়াখিবা মণিপুর গভর্ণমেন্তকী কমিশনার (এডজুকেশন) এম হরেকৃষ্ণনা হায়, মণিপুরী লোলনা ঙসি ইন্দিয়ান কনস্টিট্যুসনগী ৮শুবা সেদ্যুলদা চনবা ঙম্বা অসিমক লোল অসি ঙাঙলিবা ঐখোয় খুদীংমক্কী চাউথোকচনিংঙাইনি। অদুমকপু সেদ্যুলদা চল্লে হায়দুনসু ইমালোল মণিপুরী চাওখৎনবা অমসুং য়োকখৎনবা হোৎনবদি লেপ্পা য়াদ্রি। মণিপুরী লোল হেন্না চাওখৎহনবা অমসুং য়োকখৎপদা লোল অসি ঙাঙবা অমসুং শীজিন্নবগী চাং হেনগৎহনবা হায়বসি খ্বাইদগী মরু ওইবনি।
লেংগুয়েজ সেল অমা হাংদোক্নবগী ৱাফম অসিদি য়াম্না থেংনা ইং ১৯৯৭-১৯৯৮ অদুৱাইদগী লাকখিবনি। অদুম ওইনমক থেংলবসু থেংনা ইং ২০১৩ দগী লেংগুয়েজগী তোখায়বা দিরেক্টরেট অমা লিংলকপা অসিমক য়াম্না লাইবক ফবনি। লোলগী ওইবা তোখায়বা ডিপার্টমেন্ট অমা লিংবা ঙম্লকপা অসি লোল অসিবু নুংশিজবা অমসুং য়োকখৎপা পামজবা কয়ানা হোৎনরকখিবা অদুগী মহৈনি লৌই হায়না হরেকৃষ্ণনা ফোঙদোকখি।
থৌরম অসিদা মীলালগী প্রেসিডেন্ট য়াংলেম বীরেন, মণিপুর য়ুনিভার্সিটিগী মণিপুরী ডিপার্টমেন্টকী এসিষ্টেন্ত প্রোফেসর ডাঃ এন সনাতোম্পা অসিনচিংবসু গেস্ট অব ওনার ওইনা শরুক য়াখি। থৌরম অসিগী শরুক অমা ওইনা শৈরেং অমসুং ৱারী মচা পাথোকপগী থৌরমসু পাঙথোকখি।

COMMENTS

WORDPRESS: 0
DISQUS: