স্কুল থিংলবসু অনলাইনদা ক্লাস চত্থরি, মণিপুরী স্কুলগী মহৈরোইশিংদি য়াওদে

Homeভারত

স্কুল থিংলবসু অনলাইনদা ক্লাস চত্থরি, মণিপুরী স্কুলগী মহৈরোইশিংদি য়াওদে

আগরতলা, ১৭ জুনঃ করোনানা মরম ওইদুনা ত্রিপুরাদা স্কুল কলেজ থিংদুনা লৈরবসু মহৈরোইশিংগী মাঙজবা কয়া অদু মেনখৎপা য়ানবা অনলাইনদা ক্লাস চত্থরি। অদুবু মণিপুরী

আগরতলা, ১৭ জুনঃ করোনানা মরম ওইদুনা ত্রিপুরাদা স্কুল কলেজ থিংদুনা লৈরবসু মহৈরোইশিংগী মাঙজবা কয়া অদু মেনখৎপা য়ানবা অনলাইনদা ক্লাস চত্থরি। অদুবু মণিপুরী লোলনা তম্বী তাকপীরি হায়বা প্রাইমারী স্কুলগী মণিপুরী মহৈরোয়শিংগী দমক্তদি হায়রিবা অনলাইনদা ক্লাস তৌবা য়াবগী খুদোংচাবা লৈতবরা? ত্রিপুরা সরকারগী ডাইরেক্টরেট অব ককবরক এন্ড আদার মাইনোরিটি লেঙ্গুয়েজনা শীন্দুনা অনলাইনদা মণিপুরী লোল খঙবা ওজাশিংগী ওরিয়েন্টশন প্রোগ্রাম তৌবা য়ারবদি মণিপুরী মহৈরোইশিংগীদমক অনলাইনদা ক্লাস তৌবা য়ারোইদবা মরম লৈতে।

পনবা য়াবদি ত্রিপুরাদা প্রাইমারী স্কুল ২৪ দা মণিপুরী লোল তম্বী তাকপীরি হায়না সরকারগী রেকর্ডতা চে-চাংদা লৈরি। ক্লাস নিপান ফাওবগী তম্নবা লাইরিকসু লৈরে হায়রি। অদুবু ক্রাইটেরিয়া মতুং ইন্না অয়াম্বা স্কুলদা ক্লাস অমদা য়াওবা মহৈরোই ১০ শুদ্রে নত্রগা স্কুল তম্বা শুপ্না মণিপুরী মহৈরোই ৩০ ফাওবা শুদ্রে। ইং ১৯৯৮ দগী মণিপুরী তম্বী তাকপীবা হৌরে হায়রিবা মণিপুরী স্কুলশিংদা ঙসি ফাওবদা মণিপুরী লোলগী ওজা হাপ্তনা লৈরি। লোল অসি খঙবা সরকারগী স্কুলগী ওজা খরা ডেপুটেশন্দা পুরক্লগা তম্বী তাকপীরি হায়রি। অসুম্না সমস্যা কয়া মায়োক্নরিবা অসিদা ককবরক এন্ড মাইনোরিটি লেঙ্গুয়েজ লোয়শঙদা হান্না লৈরম্বা মণিপুরী লোল য়েংশিন্নবা মীওই কনা অমত্তা হৌজিক লৈত্রে।

সোর্সঃ মরূপ

COMMENTS

WORDPRESS: 0
DISQUS: