সোরাইজম উৎপলগী শোর্ট ফিল্ম ‘নোংয়াই’ ইন্টারনেশন্যাল মনাগী দমক খনখ্রে

Homeমিডিয়া

সোরাইজম উৎপলগী শোর্ট ফিল্ম ‘নোংয়াই’ ইন্টারনেশন্যাল মনাগী দমক খনখ্রে

মণিপুরী মিরর ডেস্কঃ ইপাক ফিল্মস প্রডাকশননা শিনবা অহানবা ওইনা কোভিড-১৯ লাইচৎত্তা থিম ওইদুনা পাংথোকপা ‘খাপরী ইন্টারন্যাশনাল মণিপুরী শোর্ট ফিক্সন ফিল্ম ফ

মণিপুরী মিরর ডেস্কঃ ইপাক ফিল্মস প্রডাকশননা শিনবা অহানবা ওইনা কোভিড-১৯ লাইচৎত্তা থিম ওইদুনা পাংথোকপা ‘খাপরী ইন্টারন্যাশনাল মণিপুরী শোর্ট ফিক্সন ফিল্ম ফ্যাষ্টিভ্যাল’দা বিশঁগাওগী সোরাইজম উৎপলগী ফিল্ম ‘নোংয়াই’ এৱার্ড কি দমক খনবা ফিল্ম মরিগী মনুংদা অমা ওইনা খল্লক্লে। ফিল্ম অসিগী স্টোরি ইনা উৎপলবু মতেং পাংখি রংপুর মেডিকেলগী মহৈরোই নিংথৌজম বিদ্যারাণীনা। সোরাইজম উৎপল ফোটোগ্রাফার অমসুনি লোইননা অতৈ অতৈ সোস্যাল অমসুং সংস্কৃতিগী সংস্থান কয়াগাসু মরী লৈনৈ।

সোরাইজম উৎপল

উৎপলগী ফিল্ম অসি হৌখিবা ১৭ ফেব্রুয়ারি অনিশুবা তাংকক্তা খনখিবা এৱার্ড মরিগী মনুং চনখিবনা ইন্টারনেশন্যাল থাকতা মনা ফংবা শোইদ্রে। মণিপুর প্রেসক্লাবতা থৌরম অমদা ফেস্টিভ্যালগী চেয়ারম্যান ডাঃ এস মনাউতোননা ৱাফম অসে খংহনখ্রে। থৌরম অদুদা অতৈসু য়াওখি ফেষ্টিভ্যালগী ডিরেক্টর কে এইচ বিশ্বনাথ, কনভেনর রাকেশ নাওরেম অমসুং কনসালটেন্ট এন জয়কুমার সিং। খংবা ঙমখি, ফেষ্টিভ্যাল অসিগী মনা য়েন্থোকপা থৌরম ফেব্রুয়ারি ২১ তা মাইফাদা পাংথোক্কদবা থৌরমদা শন্দোক্কনি হায়রি।

ফিল্ম অসিগী মরমদা সোরাইজম উৎপলনা হায়, কোভিডকি মরমদা ঐনা ঙমজবা ময়োংদা থবক খরা তৌজগে হোত্নজখি। ঐগী ফিল্ম ইন্টারনেশন্যাল থাকতা মনা ফংলগনি খনবদা অদুক্কিমতিক হরাওজৈ। উৎপলনা অতৈসু হায়, স্টোরি ইবিদুনা ভারততগী লাকপা রংপুর মেডিক্যালগী মহৈরোই নিংথৌজম বিদ্যারাণীনা থম্মোয় শেংনা মতেং তৌবিখি। ফিল্ম অসি শেম্বদা মতেং কয়া তৌবিখিবা অতৈ মীওইশিংবুসু থাগৎচৈ অমদি তৌবিল উৎচৈ হায়না উৎপলনা পনখি।

সোরাইজম উৎপল ফোটোগ্রাফিক সোসাইটি অব হবিগঞ্জকি এসিস্ট্যান্ট জেনারেল সেক্রেটারী অমসুং চুনারুঘাট ফোটোগ্রাফিক সোসাইটিগী প্রেসিডেন্ট ওইনা থৌ পুবিরী।

COMMENTS

WORDPRESS: 0
DISQUS: