সুশিলা অমসুং ইন্দুবালা ইন্দিয়াগী জুদো টিমদা য়াওরে

Homeশান্নবা

সুশিলা অমসুং ইন্দুবালা ইন্দিয়াগী জুদো টিমদা য়াওরে

ইম্ফাল, ১০ ফেব্রুয়ারীঃ এশিয়ান জুদো চেম্পিয়নশিপ ২০২১ য়াওনা মরু ওইরবা টোকিও অলিম্পিক্সকী কোয়ালিফায়িং ইভেন্টশিংদা কম্পিত তৌগদবা ইন্দিয়াগী জুদো টিমদা মণিপ

ইম্ফাল, ১০ ফেব্রুয়ারীঃ এশিয়ান জুদো চেম্পিয়নশিপ ২০২১ য়াওনা মরু ওইরবা টোকিও অলিম্পিক্সকী কোয়ালিফায়িং ইভেন্টশিংদা কম্পিত তৌগদবা ইন্দিয়াগী জুদো টিমদা মণিপুরগী লিকমাবম সুশিলা দেবী অমসুং এম ইন্দুবালা দেবী য়াওখ্রে। মফম অসিদা ফংবা পাউনা হায়, ঙরাং লৈবাকপোকপা নুমিৎতা নিউ দিল্লীগী ইন্দিরা গান্ধী ইনডোর স্টেডিয়ামদা পাঙথোকখিবা ট্রায়েলদা মণিপুরগী ওইনা জুদোকা তরেৎ শরুক য়াখিবদা সুশিলা (কেজি ৪৮) অমসুং ইন্দুবালা (কেজি ৭৮গী মখা) অনী ইন্দিয়া টিমগীদমক খনখি।

এশিয়ান জুদো চেম্পিয়নশিপ ২০২১, টোকিও অলিম্পিক্সকী ওইন কন্টিনেন্ট অসিগী ওইনা কোতাশিং কন্ননবগীদমক মরু ওইরবা কোয়ালিফায়িং ইভেন্টশিংগী মরক্তা অমা ওইরি। মণিপুরগী সুশিলা দেবী নুপীগী কেজি ৪৮ কাংলুপ্তা লৈবাক অসিগী ওইনা খৱাইদগী ফনা শান্নরিবী জুদো শান্নারোয়শিংগী মরক্তা অমা ওইরি। মহাক হৌজিক হৌজিক মণিপুর পুলিস দিপার্টমেন্টতা থবক তৌরি। ইন্দুবালাসু লৈবাক অসিগী তুংগী আশা তৌনিংঙাই ওইরিবী মশক থোক্না শান্নরিবা জুদোকানি।

ঙসি পাঙথোকখিবা নুপাগী ট্রায়েলদা মণিপুর জগদিশ মৈতৈনা কেজি ৬৬কী কাংলূপ্তা কম্পিট তৌখি। মণিপুর জুদো টিম অদুবু মনিপুর পুলিসতা ইনস্পেক্তর ওইন থবক তৌরিবা জুদো কোচ এল দিনিৎনা কোচ ওইনা লমজিং লমতাক্লি।

সোর্সঃ পোক্নফম।

COMMENTS

WORDPRESS: 0
DISQUS: