সিলেটতা রেকোর্ড পুম্নমক থুগাইদুনা খ্বাইদগী হেনবা পোজিটিব অমসুং শিবগী নুমিৎ অমা থেংনখ্রে

Homeহকচাং পাওজেল

সিলেটতা রেকোর্ড পুম্নমক থুগাইদুনা খ্বাইদগী হেনবা পোজিটিব অমসুং শিবগী নুমিৎ অমা থেংনখ্রে

সিলেট অফিস, জুলাই ১৮ঃ সিলেট ডিভিশন মনুংদা খ্বাইদগী হেন্না হান্নগী রেকোর্ড পুম্নমক থুগাইদুনা পুং ২৪দা মীওই ১২ রোম লৈখিদ্রে। থাংজ নুমিৎ (১৭ জুলাই) অয়ুক

সিলেট অফিস, জুলাই ১৮ঃ সিলেট ডিভিশন মনুংদা খ্বাইদগী হেন্না হান্নগী রেকোর্ড পুম্নমক থুগাইদুনা পুং ২৪দা মীওই ১২ রোম লৈখিদ্রে। থাংজ নুমিৎ (১৭ জুলাই) অয়ুক তগী নোংমাইজিং নুমিৎ (১৮ জুলাই) অয়ুক পুং ২৪ মনুংদা মীওই ১২ লৈখিদবনি। লৈখিদ্রবশিংগী মনুংদা সিলেট ডিষ্ট্রিক্টতা মী ১১ অদুগা মৌলভীবাজার ডিষ্ট্রিক্টতা মীওই ১ লৈখিদ্রে। ঙসিগী লৈখিদ্রবা ১২ য়াওনা সিলেট ডিভিশনদা পুন্না লৈখিদবা মীওই ৫৭০ শুখ্রে। লৈখিদবা ময়ামগী মরক্তা সিলেট ডিষ্ট্রিক্টদা মী ৪৫৮, সুনামগঞ্জতা মী ৪২ , হবিগঞ্জতা মী ২৬ রোম অমসুং মৌলভীবাজার ডিষ্ট্রিক্টতা মীওই ৪৩ লৈখিদ্রে। ডাটা অসি নোংমাইজিং নুমিৎ নুমিৎয়ুংবা মতম ১২ দা হেলথ ডাইরক্টরেট সিলেট ডিভিশনগী ডাইরেক্টর অফিসকী ষ্টেটিষ্টসিয়ান মো: মতিউর রহমান না থাদোরক্পা চেরোলদগী ফংবনি।

অমরোমদা সিলেট ডিভিশনদা পোজিটিব ওইবগী মশিংশু হেনগৎলক্লি, ঙসি মীওই ৬৮১ পোজিটিব থেংনখি। অসিনা হৌজিকফাওবা সিলেট ডিবিশননা খ্বাইদগী হেনবা অহানবা ওইবগি মশিংনি। নৌনা পোজিটিব ওইবা মীওই ৬৮১ শিংগী মনুংদা সিলেট ডিষ্ট্রিক্টতা ২২৫, সুনামগঞ্জ ডিষ্ট্রিক্টতা ৯৮, হবিগঞ্জ ডিষ্ট্রিক্টতা ১০৫ অমসুং মৌলভীবাজার ডিষ্ট্রিক্টতা মীওই ১৮৮ অমসুং সিলেট এমএজি ওসমানী হোস্পিটালদা লায়েংবা লাকপদগি মিওই ৬৫ পোজিটিব ওইখি। হেলথ ডিপার্টমেন্টগী থারকপা ইনফোরমেশন মতুং ইন্না, পুং ২৪ দা কোরোনা পোজিটিব ওইবা অনাবা মী হোস্পিটালদা এডমিট তৌদুনা লৈবগী মশিংনা সিলেট ডিভিশনগী সিলেট ডিষ্ট্রিক্টতা মী ২৮, হবিগঞ্জতা মী ১৮ অমসুং মৌলভীবাজারদা মীওই ৮ নি।

ডিষ্ট্রিক্ট মরি অসিদা পুন্না হাসপাতালদা লৈবা পেশেন্টকী মশিং মীওই ৪৩১ শুরে, অসিদা সিলেট ডিষ্ট্রিক্টতা মীওই ২৯৮ , সুনামগঞ্জতা মীওই ৪৩, হবিগঞ্জতা মীওই ৬৫ অমসুং মৌলভীবাজারদা মীওই ২৫ লায়কন্নখি। নোংমাইজিং নুমিৎ অয়ুক পুং ৮ ফাওবা লায়না অসিদা ফগৎখিবা মী ২২৬, অদুদা সিলেটতা ১৪১, সুনামগঞ্জতা ১৪, হবিগঞ্জতা ১৫ অমসুং মৌলভীবাজার মী ৯ লায়না অসিদগি ফদুনা য়ুমদা হনখি। ঙশি ফাওবা সিলেট ডিভিশনদা পুন্না পোজিটিব ওইখিবা মী ৩৩,০৩৫ শুখ্রে অদুগা অমারোমদনা ডিভিশন অসিদা লায়না অসিদগি ফখিবনা মীওই ২৬,২৭৩ শুখ্রে।

COMMENTS

WORDPRESS: 0
DISQUS: