সিনিয়র নেশনেল আর্চারি চেম্পিয়নশিপতা মণিপুরদা গোল্ড ২, সিলভার ১, অমদি ব্রোঞ্জ ৪ লৌবা ঙমখ্রে

Homeস্ক্রলবার

সিনিয়র নেশনেল আর্চারি চেম্পিয়নশিপতা মণিপুরদা গোল্ড ২, সিলভার ১, অমদি ব্রোঞ্জ ৪ লৌবা ঙমখ্রে

জমশেদপুর, অক্টোবর ০৩ : ঝারখন্ডগী সিটি জমদেশপুরদা থা অসিগী ১দগী হৌখিবা ৪০ শুবা এনটিপিসী সিনিয়র (মেন এন্ড উইমেন) নেশনেল আর্চারি চেম্পিয়নশিপতা মণিপুরগী

জমশেদপুর, অক্টোবর ০৩ : ঝারখন্ডগী সিটি জমদেশপুরদা থা অসিগী ১দগী হৌখিবা ৪০ শুবা এনটিপিসী সিনিয়র (মেন এন্ড উইমেন) নেশনেল আর্চারি চেম্পিয়নশিপতা মণিপুরগী আর্চারশিংনা গোল্ড মেডেল ২, সিলভার ১ অমসুং ব্রোঞ্জ ৪ ফংবা ঙমখ্রে। মণিপুর ষ্টেট রিপ্রেজেন্ট তৌদবা অতোপ্পা য়ুনিটশিংদগী শরুক য়ারিবা মণিপুরী আর্চারশিংনসু ফজদুনা মেডেল কয়া ফংবা ঙমখি। নুপীগী টিম ইভেন্টকী ইন্দিয়ান রাউন্ড কম্পিটিশনদা মণিপুরগী ওক্রম নাওবী চনু, মোইরাংথেম বেবী, লোংজম তোমথিনঙানবী অমসুং ৱাংখেম মলেশ্বরীনা গোল্ড মেডেল ফংখি। ইভেন্ট অদুদা ঝারখন্ড অমসুং মহারাষ্ট্রনা সিলভার অমসুং ব্রোঞ্জ লৌখি।
নুপাগী মিটার ৫০গী কম্পিটিশনদা মণিপুরগী সাপম রোবর্টনা পূন্না পোয়েন্ট ৩৬০গী মনুংদা ৩৩০ফংলগা গোল্ড মেডেল ফংখি। হায়রিবা ইভেন্ট অদুদা মিজোরামগী রাম সোরেন অমসুং মহারাষ্ট্রগী দিগম্ভর হনুমান্ত চাৱাননা মথংশিৎনা সিলভার অমসুং ব্রোঞ্জ লৌখি। নুপীগী মিটার ৫০গী কম্পিটিশনদা মণিপুরগী ওক্রম নাওবী চনুনা অপূনবা পোয়েন্ট ৩৬০ গী মনুংদা ৩১৪ ফংলগা সিলভার লৌখি। অতোপ্পা মণিপুরগী আর্চার মোইরাংথেম বেবীনা পোয়েন্ট ৩১৩দা ব্রোঞ্জ ফংলগা ইভেন্ট অদুগী গোল্ড মেডেল অদুনা ঝারখন্ডগী অস্রিতা বিরুলিনা পোয়েন্ট ৩১৫ ফংলগা লৌখিবনি।
নুপীগী ইলিমিনেসন রাউন্ডদা মণিপুরগী ওক্রম নাওবী চনুনা ব্রোঞ্জ মেডেল লৌখি। ইভেন্ট অদুদা এ আই পি এস সী বিগী পল্লবী বোরোন গোল্ড লৌরগা ঝারখন্ডগী অনকু কুমারীনা সিলভার ফংখি। নুপীগী মিটার ৫০ কম্পিটিশনদা মণিপুরগী মোইরাইথেম বেবীনা পোয়েন্ট ৩৬০গী মনুংদা ৩১৪ ফংলগা ব্রোঞ্জ লৌখি। ইভেন্ড অদুদা এ আই পি এস বিগী মায়কৈদগী শরুক য়ারকখিবা মণিপুর মচা হুইদ্রোম রাজ পিয়ারিনা গোল্ড ফংখি। অদুগা উত্তর প্রদেশকী সুনিতা ভরদ্বাজনা সিলভার লৌখি।
নুপাগী মিটার ৩০গী ইভেন্টতা এ আই পি এস সী বিগী পি হেরোবানা পূন্না পোয়েন্ট ৩৬০ লৈবগী মনুংদা পোয়েন্ট ৩৩৪ ফংলগা ব্রোঞ্জ মেডেল লৌবা ঙমখি। ইভেন্ট অদুগী ওইনা মিজোরামগী রাম সোরেননা পোয়েন্ট ৩৩৯দা গোল্ড অদুগা ঝারখন্ডগী গোল্ডি মিশ্রানা পোয়েন্ট ৩৩৫ ফংলগা সিলভার লৌখি।
পি হেরোবানা নুপাগী ইন্দিভিজুয়েল রাউন্ডদা সিলভার মেডেল ফংলগা মণিপুরগী মুতুম চিঙ্খৈ মৈতৈনা ব্রোঞ্জ লৌখি। লোয়ননা ইভেন্ট অদুগী গোল্ড অদুনা এস এস সী বিগী সুরেশ কুমার গুরুংনা ফংখি। নুপাগী টিম ইভেন্টতা মণিপুরগী সাপম রোবর্ট, মুতুম চিঙ্খৈ মৈতৈ, চিংঙাখম নেলসন অমসুং হুইদ্রোম বিজেন্দ্রনাথনা ব্রোঞ্জ মেডেল ফংবা ঙমখি। গোল্ড অদুনা এস এস বিনা লৌখি।
সোর্স: হইয়েন লানপাউ

COMMENTS

WORDPRESS: 0
DISQUS: