সিদ্যুল্ড ত্রাইব লিষ্টতা মীতৈ য়াওনবা হোৎনবীয়ু

Homeস্ক্রলবার

সিদ্যুল্ড ত্রাইব লিষ্টতা মীতৈ য়াওনবা হোৎনবীয়ু

ইম্ফাল, আগস্ট ২৩: মণিপুরগী সেদ্যুল্ড ত্রাইব ডিমান্ড কমিটিনা লমদম অসিগী য়েলহৌমী ওইজরিবা মীতৈ/মৈতৈবু লৈবাক অসিগী সেদ্যুল্ড ত্রাইবকী লিষ্টতা চলহনগদবনি হা

ইম্ফাল, আগস্ট ২৩: মণিপুরগী সেদ্যুল্ড ত্রাইব ডিমান্ড কমিটিনা লমদম অসিগী য়েলহৌমী ওইজরিবা মীতৈ/মৈতৈবু লৈবাক অসিগী সেদ্যুল্ড ত্রাইবকী লিষ্টতা চলহনগদবনি হায়দুনা চঙশিল্লক্লিবা খোঙজংশিংবু শৌগৎলদুনা ঙসি অয়ূক পুং ১০ তারকপদা ৱার্ল্ড মীতৈ কনভেন্সন (ডব্লিয়ু এম সি) না দি এম কোলেজ কেম্পাসকী খুন্থোকহনবী শঙলেন্দা পাউগী মীফম অমা পাঙথোক্ননবা হোৎনরকপদা পুলিশনা থুগাইদুনা মফম অদুদা পাঙথোকহনখিদ্রবসু কনভেন্সন অসিগী শিংজমৈদা লৈবা চেয়ারমেন হৈগ্রুজম নবশ্যামগী য়ূমদা পাঙথোকখিবগা লোয়ননা য়েলহৌমীনি হায়রিবা মীতৈ/মৈতৈবু সেদ্যুল্ড ত্রাইব (এস টি) লিষ্টতা য়াওহন্নবগীদমক মীতৈ/মৈতৈগী পুৱারীশিং ইন্দিয়া গভর্ণমেন্টতা খঙহনবীয়ু হায়দুনা ফোঙদোকখ্রে।
পাউমীশিংগা উনখিবদা ৱার্ল্ড মীতৈ কনভেন্সনগী চেয়ারমেন ঐচ নবশ্যামনা মখা তানা হায়, কনভেন্সন অসি মালেমগী মফমশিংদা লৈরিবা শোত্থরবা মীতৈশিংগীদমক্তা চাওখৎনবা হোৎনজরকপা কাঙবুনি। সেদ্যুল্ড ত্রাইবা লিষ্টতা য়েলহৌমী মীতৈবু য়াওননবগীদমক ঐখোয়গী পুৱারী ইন্দিয়া লৈঙাক্তা খঙহন্নবগীদমক চীফ মিনিষ্টারনা পুখৎপীয়ু হায়খি।
মণিপুরদা য়েলহৌমী ওইজরিবা মীতৈ/মৈতৈ ফুরুপনা অতোপ্পা ফুরুপশিংগা খল কায়হন্দনা হিংমিন্নবা য়ানবগীদমক্তা সেদ্যুল্ড ত্রাইবকী লিষ্টতা চলহন্নবা হায়দুনা তাল্লক্লিবা ডিমান্ড অসি অচুম্বনি। এস টি দি সীনা চঙশিল্লকপা খোঙথাংদা কনভেন্সন অসিনা শৌগৎচবনি। মরমদি ইন্দিয়ান কন্সটিট্যুসন্দা ঐখোয় য়েলহৌমী মীতৈ/মৈতৈ ফুরুপ অসি মশক খঙদবনা ইরমদম অসিদসু ফুরুপ অসি তাংলগা লৈবদৌনা ষ্টেট অসিগী লৈনীংবা মফমশিংদা লৈবগী হক ফংদ্রি।
কুমজা ১৯৫০-৫১ দা ইন্দিয়ান কন্সটিট্যুসনবু এমেন্দমেন্ট তৌখিবা মতমদা লৈবাক অসিগী ষ্টেট ষ্টেটশিংগী ওইবা শোত্থরবা য়েলহৌমীশিং মশা মশানা শক্তাকচনবা ইন্দিয়া গভর্ণমেন্টনা খঙহল্লকখি। অদুবু মতমদুগী ঐখোয়গী লুচিংবশিংগী মরক্তগী খরনা লান্না লমজিংদুনা ঐখোয়বু মশক তাকখি। মখোয়গী ৱাখলদা মীতৈ/মৈতৈসি ষ্টেট অসিগী নেটিভ পিপল নত্তে। মখোয়না ঐখোয়বু মীতৈ/মৈতৈ হায়রম্বগী মহুত্তা মণিপুরী হায়নসু মমিং থোল্লম্মী। ঐখোয়সি সেদ্যুল্ড ত্রাইবনি হায়বা ৱাফমসু ফোঙদোক্লমদে। মসিগী মহুত্তা ঐখোয়বু আরিয়ান ফুরুপকী শরুক অমনি হায়দুনা লান্না শক তাকশিল্লমখিবনি।
তশেংনমক মীতৈ/মৈতৈনা আরিয়ানগী শরুক অমা ওইরগদি হৌজিক লৈরিবা বিহারি, বেঙ্গলি, পঞ্জাবীশিংদৌনা ঐখোয়সু লৈগদবনি। য়েলহৌমী ওইবগী মপূং ফাবা হক ফংলম্লবদি ঐখোয়না মণিপুরগী মফম খুদিংমক্তা লৈবা য়াবগী হক ফংগনি। থৌওং অসি কনভেন্সনগী মায়কৈদগী জহরলাল নেহেরু, ইন্দিরা গান্ধী নৎত্রগা নরেন্দ্র মোদিনা চিংবদা তাইনবা য়াদে। ঐখোয়গী মাঙজিল থাখিবা মীওই খরনা লাল্লুবদগীনি। লাল্লিবা অদুদা ক্লেইম তৌবসু লৈতে। মরম অসিনা হৌজিক লৈরিবা ঐখোয়বু লান্না মশক তাকশিনখিবদগী ওইরক্লিবা ফীভমশিং অসি মণিপুরগী চীফ মিনিষ্টারনা ইন্দিয়া গভর্ণমেন্টতা শেংদোকপীদুনা মীতৈ/মৈতৈবু সেদ্যুল্ড ত্রাইবকী লিষ্টতা চলহনবীয়ূ হায়জবনি হায়খি।
মালেমগী অতৈ মফমশিংদা খুন্দারিবশিং য়াওনা মীতৈ/মৈতৈগী মশীং পূন্না লাখা ১৭ রোমদনি। য়ামখিদ্রবা মীশিং অসিনা মীওই বিল্লিয়ন ১.৩ লৈরিবা লৈবাক অসিগী চাংদম্নরুবা য়ারোই। হৌজিক মীতৈ/মৈতৈনা লৈরিবসি ষ্টেট অসিগী অপূনবা পাক চাওবগী মনুংদা চাদা ৯ খক্তনি। মসিগী মনুংদগী চীং-পাৎ অমসুং তুরেল খাইদোকখ্রগনা শুপ্নতগী চাদা ৮ মুক্তনি। মসিদা ফুরুপ খুদিংমক পূন্না খুন্দামিন্নদুনা লৈমিন্নরিবনি। ইন্দিয়ান কন্সটিট্যুসন্দা ঐখোয় ইরমদমদা মীতোপ ওইরে হায়বা ৱাফমসি মণিপুর গভর্ণমেন্টনা মসিবু ওইহল্লক্নবগীদমক লানখিবশিং অদু চুমথোক্লগা পুৱারীগী ওইবা অশেংবা লিক্লম পুথোকপীদুনা ঐখোয়গীসু পুৱারী অশেংবা লৈহনবীদুনা এস টি লিষ্টতা চলহনবীয়ূ হায়জবনি হায়খি।
পাউমীশিংগা উনখিবা অদুদা ৱার্ল্ড মীতৈ কনভেন্সনগী এডভাইজর পোৎশংবম সোনামনি অমসুং সেদ্যুল্ড ত্রাইব ডিমান্দ কমিটিগী হান্না ৱারকিং প্রেসিডেন্ট ওইরম্বদগী হৌজিক্না প্রেত্রোন নম্বর টু ওইরিবা মোইরাংথেম নাওদালেন খোম্বনসু ৱার্ল্ড মীতৈ কনভেন্সননা সেদ্যুল্ড ত্রাইব ডিমান্দ কমিটিনা চঙশিল্লক্লিবা মীতৈ/মৈতৈবু লৈবাক অসিগী সেদ্যুল্ড ত্রাইবকী লিষ্টতা য়াওহনগদবনি হায়বা ৱাফমশিং শৌগৎলদুনা হৌখ্রবা পুৱারীগী তাঙ্ককশিং ফাওবা পাউমীশিংদা মচা খায়না ফোঙদোকখি। অদুম ওইনমক ঙসি অয়ুক পাউমীশিংগা উনবগী মীফম পাঙথোক্নবা হোৎনবদা পুলিশনা তানখায়খিবা থৌওং অদুবুদি নুংঙাইতবা ফোঙদোক্নখি।
সোর্স: হুইয়েন লানপাউ

COMMENTS

WORDPRESS: 0
DISQUS: