সাহিত্য একাডেমী এৱার্ডি অইবা ডাঃ যোদ্ধচন্দ্র সনসম লৈখিদ্রেডাঃ যোদ্ধচন্দ্র সনসম

Homeকমিউনিটি

সাহিত্য একাডেমী এৱার্ডি অইবা ডাঃ যোদ্ধচন্দ্র সনসম লৈখিদ্রে

মিরর ডেস্কঃ সাহিত্য একাডেমী এৱার্ড ফংখ্রবা থোইদোক্‌না মীং লৈরবা অইবা, লিরিসিস্ট প্রফেসর ডাঃ যোদ্ধচন্দ্র সনসম লৈখিদ্রে। ঙসি মে ১৬, ২০২১ ইং, নোংমাইজিং ন

মিরর ডেস্কঃ সাহিত্য একাডেমী এৱার্ড ফংখ্রবা থোইদোক্‌না মীং লৈরবা অইবা, লিরিসিস্ট প্রফেসর ডাঃ যোদ্ধচন্দ্র সনসম লৈখিদ্রে। ঙসি মে ১৬, ২০২১ ইং, নোংমাইজিং নুমিৎ অয়ূক্কী পূং ১১.৩০ রোম তাবা মতমদা রিমস হোসপিটালদা মশাগী অনাবা অমনা মরম ওইদুনা অরোইবা য়াহিপ তানখি। ইএনটিগী ডাক্তর যোদ্ধচন্দ্র নভেম্বর ২০, ১৯৪৪ সিংজমৈগী সনসম কোল্লুপ, মণিপুরদা পোকখি। অপোকপা অপোকপীগী মীং সনসম তমাল সিং অমসুং মোইরাংথেং নিঙোল মাইপাকপি দেবী।

লৈখিদ্রবা ডাঃ যোদ্ধচন্দ্র নভেল, ৱারীমচা, শৈরেং, ৱারেং, হন্দোকপনচিংবা সাহিত্যগী মখল কয়াদা মাইপাক্‌না ইবিরম্মি। অদুতসু নত্তনা মহাক লিরিসিস্ট অমসুং কলাম্নিস্টসুনি। মহাক্কি ফোঙখিবা লাইরিক ২০ দগিসু হেল্লি। ইশৈ ২০০ অমসুং শৈরেং ৩০০ দগিসু হেন্না থম্বিরম্মি। ফোঙখিবা লাইরিকশিংগী মমিং, থাবলগী কুন্দ পরেং (কালেকশন অব শোর্ট স্টোরিজ, ১৯৮০), অকনবা শাফুগী ইরৈ (নভেল, ১৯৮১), ঐগী ঈদা (শৈরেং, ২০০৭), ঙসিদি অশেংবা হাইদোক্লগে (ঈশৈ শৈরেং, ২০০৯), মত্থৌ কনবা ডিএনএ (নভেল, ২০০৯), নংগী শামিন্দুনী চান্নবী (শৈরেং, ২০১১), লৈশাৎ তম্লে নংগীদমক (নভেল, ২০১৩), ইংরেজীদা হন্দোকপা খম্বা থোইবী শৈরেং, শ্রী বিরেনগী শৈরেং পুম্নমক ইংরেজীদা হন্দোকপা (ভলিউম অনি), পোটেন্ট ডিএনএ (ইংরেজী নভেল) অমসুং থাজা চনু (নভেল, ২০২১)। মহাক্কি য়াম্না পাম্নখিবা ইশৈ খরা, খুমোন অমা লাকপসিদা, ঙসিগী নোংলৈ নুমিৎসিদা, ঐসু খুদোল তম্‌জখি, থম্মোয় নংবু তুমিন লৈরোগবা অসিনচিংবা।

ডাঃ যোদ্ধচন্দ্র সনসম, মত্থৌ কনবা ডিএনএ নভেলগীদমক দিল্লী সাহিত্য একাডেমী এৱার্ড অমসুং মণিপুর স্টেট কলা একাডেমী মনা ফংখি। খম্বা থোইবী শৈরেং ইংরেজীদা হন্দোকপগীদমক সাহিত্য থৌপাং লুপকী ‘নোংথোম্বম কুঞ্জমোহন সিং ট্রান্সলেশন এৱার্ড-২০১৭’ ফংখি। মণিপুরী সাহিত্যদা মহাক্কী মমল য়াম্লবা মথৌদাংগীদমক মণিপুরী সাহিত্য পরিষদ, ইম্ফালনা ২০১৮ দা ‘সাহিত্যভূষণ’ মনা পিদুনা ইকাইখুম্নখি।

অইবা ডাঃ যোদ্ধচন্দ্র সনসমনা মতমচাদনা, খংহৌদনা লৈখিদবদা মণিপুরগী অমদি মণিপুর মপানগী লুপ কয়া, থোইদোক হেন্দোকপা মীশক কয়ানা তোঙান তোঙানবা চেরোল অমসুং সোস্যাল মিডিয়াগী খুথাংদা অৱাবা, নুঙাইতবা ফোংদোরক্লি।

COMMENTS

WORDPRESS: 0
DISQUS: