শৈদাংবা মীনা ‘ওক্তবীগী মচা’ হায়রগা করম্না তুমিন্না লৈগনি

Homeস্ক্রলবার

শৈদাংবা মীনা ‘ওক্তবীগী মচা’ হায়রগা করম্না তুমিন্না লৈগনি

ইম্ফাল, জুলাই ২৬ : মণিপুরদা শৈদাংদুনা লৈবা মীওই খরনা ঐখোয়বু ‘ওক্তবীগী মচা’ হায়রগা করম্না তুমিন্না লৈগনি হায়না ফেডারেশন অব হাওমীগী চেরোল অমনা হংলক্লি।

ইম্ফাল, জুলাই ২৬ : মণিপুরদা শৈদাংদুনা লৈবা মীওই খরনা ঐখোয়বু ‘ওক্তবীগী মচা’ হায়রগা করম্না তুমিন্না লৈগনি হায়না ফেডারেশন অব হাওমীগী চেরোল অমনা হংলক্লি। চেরোল অসিনা হায়, কংলৈপাক মণিপুরদা লৈরিবা য়েক শলাই লৈবা য়েলহৌমীশিং অসি য়াম্না মিনুংশি লৈবা, থৌজাল হৈবা, পূকচেল চাউবা কাঙবুনি। মসিমক্না ঈরমদম অসিদা ইন্দিয়া, মায়নমার অমদি বাংলাদেশতগী লাকপা মীওই কয়া অমা খুন্দাদুনা লৈরি। মসি য়েলহৌমীশিং অসিগী পূকচেল চাউবগী খূদমনি। অদুবু লমদম অসিদা শৈদাংফম লৌরবা মতুংদা শৈদাংফম পীরিবা মপূদা শীংনরক্নবদি ঐখোয়না তুমিন্না খক লৈরোই।
মণিপুর চহী লীশিং অনীগী পুৱারীগা শাগোন্নদুনা নিংথৌ ৭৬ পান্দুনা সাওথ ইষ্ট এশিয়াদা মনীং মখা তম্না পাল্লকলিবা লমদমনি। ঈরৈবাক অসিগী নীংতম্বা ঙাক্নবা ঐখোয়গী ইপা ইপুশিংনা ঈ কৎতুনা অমদি অথৌবা অথৌবী চা কয়ানা থৱায়না পোন্থা পীখ্রবনি। মসিদা মণিপুরগী পুৱারীবু শীংনদুনা মণিপুরগী লম অসি তম্পাক্কী স্কোয়ার মাইল ৭০০ খক্তনি, চীংনা কুকিলেন্দনি চীংগী থবক তৌবদা কুকি চীফশিংগী ৱা লৌগদবনি হায়না মণিপুর মীয়ামঅমদি লৈঙাকপু শীংনরিবা মার্ক হাওকিপকা ঐখোয়গী লুচিংবশিংগা মান্ননা কুকি ইনপিনা ঙাঙলিবসি মরম চাদে। মখোয়সু মপু মশক খঙদ্রে। ফেডারেশন অব হাওমীগী লুচিংবশিংনা রেকোর্ড অমদি ডকুমেন্ট, প্রুফ পুথোক্তুনা ঈরমদম অসিগী পুৱারীবু শীংনরকপশিংদগী ঙাকথোক্নবা হোৎনবনি হায়রি।
সোর্স: পান্দম

COMMENTS

WORDPRESS: 0
DISQUS: