শান্নরোয়শিংনা গেমস ভিলেজদা ‘এন্টি সেক্স’ ফমুংশিং ফংলি

Homeস্ক্রলবার

শান্নরোয়শিংনা গেমস ভিলেজদা ‘এন্টি সেক্স’ ফমুংশিং ফংলি

টোকিও, জুলাই ১৯ : অলিম্পিক্সতা শান্নরোয়শিং মনিং তৌবা য়ারোইদবা কয়া অমা লৈরি। মদুগী মনুংদা মখোয় মশেল অমগা অমগা পূন্না তুমিন-চামিন্নবা য়অরোইদবা অসিসু অমা

টোকিও, জুলাই ১৯ : অলিম্পিক্সতা শান্নরোয়শিং মনিং তৌবা য়ারোইদবা কয়া অমা লৈরি। মদুগী মনুংদা মখোয় মশেল অমগা অমগা পূন্না তুমিন-চামিন্নবা য়অরোইদবা অসিসু অমা ওইরি অমসুং মখোয়না গেম ভিলেজদা ইন্সটল তৌরিবা ‘এন্টি সেক্স’ ফমুংশিংদা শাওনিংবা পোক্লবা য়াই। শান্নরোয়শিংনা মখোয় মখোয়গী ডিশিপ্লিনশিংদা অহেনবা পূক্নিং চঙহন্নবা অমসুং সোসিয়েল ডিষ্টেন্সিংঙাক্না চৎনবা উপায় অমা ওইনা ফমুংশিং অদু থওইনা ডিজাইন তৌরি। মসি করম্না শেম শারিবনো হায়বসি শোয়দনা হংনিংবা পোক্কনি। ফমুংশিং অদু কার্ডবোর্ডনা শারি অমসুং মীওই অমগী অরুম্বা অদুখক্তদা ফমুংশিং অদু শীজিন্নবা য়াগনি। মসিদা মীওই অনী তুমশিনবা, ফামজিনবনচিংবা অমত্তা তৌবা য়াররোইদৌরি।
অপূনবা ফমুং ১৮,০০০ ডিজাইন তৌখি অমসুং এয়ারউইভ কৌবা কোম্পানি অমনা অলিম্পিক্স অমসুং পেরালিম্পিক গেমসকীদমক শাদুনা পুথোকখি। ইভেন্ত অনীমক হেক লৌশিনখিবগা ফমুংশিং অদু চেগী পোত্থোকশিং ওইনা পুথোক্নবা রিসাকল তৌগদৌরি। ‘ক্লিন ইনার্জি অমসুং রিসাইক্লিং’ হায়বসিনা মখোয়গী প্রাইম ফোকাস ওইগনি হায়না গেমস অদু য়ুম্বু ওইবদা জাপান্না পীখিবা কমিটমেন্ট অদু হেন্না মশক থোকহন্নবা খোঙথাং অসি লৌরকপনি। তোঙান তোঙানবা মিডিয়া রিপোর্টশিংগী মতুংইন্না, ফমুং অমনা কেজি ২০০ ফাওবগী অরুম্বা পুবা ঙম্লি অমসুং মসিগী মথক্তা লেপ্পা অমসুং খঙলেং লেংবনচিংবা তৌবা য়ারোইদৌরি। সোসিয়েল ডিস্টেন্সিং ঙাক্না থম্নবগী মরু ওইরবা ৱাখল্লোন ওইরবসু মসি পাকশন্না ‘এন্টি সেক্স’ ফমুং অমা ওইনা খঙনরি।
ফমুংশিং অদুগী মতাঙদা রিও ২০১৬ দা মিটার ৫০০০গী লমজেলদা সিলভার মেডেল লৌখিবা য়ুএসএগী পোল কিকেমোই চেলিমোনা ত্বিতরদা থাগৎলকখিবা ৱারোল অমদা হায়, স্পোর্টসকী ৱাংমদা মায়োক্নরিবা ফীবমশিং থেংনদনবা ফমুংশিং অদুনা মীওই অমখক্কী ওয়েট পুব ঙমহনগদৌরি। ডিস্টেন্স রান্নারশিংগী ওইনা প্রোব্লেম অমত্তা লৈরোই, মখোয় মরিনা ফাওবা শীজিন্নবা য়াগনি হায়না মহাক্না ৱাখল তৌই।
টোকিও গেমস অর্গানাইজারশিংনা শান্নরোয়শিংদা নীংশিং খুদমশিং ওইনা কোন্দমশিং খুদোল তমগদৌরি। ঐচআইবি অমসুং এইডস লায়নাগা মরী লৈননা এৱার্নেন্স শন্দোক্নবা কনডম ১,৬০,০০০ শরুক য়াগদৌরিবশিংদা য়েন্থোক্কদৌরি। অর্গানাইজারশিঙনা হায়, য়েন্থোক্কদৌরিবা কনডমশিং অদু শান্নরোয়শিংগী ভিলেজদা শীজিন্ননবা য়েন্থোক্কদবা নত্তে, অদুবু শান্নরোয়শিং অদুনা ঐচআইভি অমসুং এইডসকী এৱার্নেন্স শন্দোক্লুনবা মখোয় মখোয়গী ময়ূমদা পুহন্নবনি।
সোর্স: পোক্নফম

COMMENTS

WORDPRESS: 0
DISQUS: