শান্নবদা মায় পাকপা অমসুং মায়থীবা হায়বসি পূন্সিগী শরুক অমনি: মোদি

Homeস্ক্রলবার

শান্নবদা মায় পাকপা অমসুং মায়থীবা হায়বসি পূন্সিগী শরুক অমনি: মোদি

নিউ দিল্লী, আগস্ট ১৮ ৱার্ল্ড চেম্পিয়ন ৬লক ওইবা ঙমখ্রবী লন্ডন অলিম্পিক গেমসতু ব্রোঞ্জ মেডেল লৌরকখ্রবী এম সী মেরি কোমনা টোকিও অলিম্পিক গেমসতা মেডেল ফংলক

নিউ দিল্লী, আগস্ট ১৮ ৱার্ল্ড চেম্পিয়ন ৬লক ওইবা ঙমখ্রবী লন্ডন অলিম্পিক গেমসতু ব্রোঞ্জ মেডেল লৌরকখ্রবী এম সী মেরি কোমনা টোকিও অলিম্পিক গেমসতা মেডেল ফংলকখিদবা অদুগীদমক ঙাকপীনবা হায়খিবদা লৈবাক অসিগী প্রাইম মিনিষ্টার নরেন্দ্র মোদিনা শান্নবদা মায় পাকপা অমসুং মায়থীবা হায়বসি পূন্সিগী শরুক অমনি। মহাক্না চহী ১০ হেন্না ইন্দিয়াগী নুপী শান্নরোয়শিংগী লমজিং মৈরা ওইদুনা অচৌবা থৌদাং অমা লৌখ্রবনি হায়না ফোঙদোকখ্রে।
ৱাফম অসি ঙসি ইন্দিয়ান অলিম্পিক কন্টিঞ্জেন্ট অদুবু প্রাইম মিনিষ্টার নরেন্দ্র মোদিনা ব্রেকফাষ্ট চামিন্নবদা ফোঙদোকখিবনি। প্রাইম মিনিষ্টার নরেন্দ্র মোদিনা এম সী মেরি কোমদা মহাকপু পার্লিয়ামেন্টতা উদবা কুইরে হায়না ফোঙদোকখিবদা রাজ্য সভাগী মেম্বার ওইরিবী এম সী মেরি কোমনা মহাক্না প্রেক্টিস তৌরিঙৈদা মতম ফংদবনা পার্লিয়ামেন্ট লাকপা ঙমখিদবনি হায়খি।
নুপীগী বোক্সিং অসি ওলিম্পিক গেমসতা অহানবা ওইনা কুমজা ২০১২গী লন্ডন অলিম্পিক গেমসতা হৌদোকখিবনি। মদুদা ইন্দিয়াগী মহুৎ শিন্দুনা এম সী মেরি কোমনা শরুক য়াখিবদা ব্রোঞ্জ মেডেল ফংলক্তুনা ইন্দিয়াগী নুপীগী অহানবা বোক্সার ওইনা অলিম্পিক্কী মেডেল লৌখিবনি। মেরি কোমনা শরুক য়াখিবা ইন্টারনেশনেল কম্পিটিশন অয়াম্বদা গোল্ড মেডেল লৌবা ঙমখ্রবনি। ৱার্ল্ড বোক্সিং চেম্পিয়নশিপ, এশিয়ান বোক্সিং চেম্পিয়নশিপ, এশিয়ান গেমস অমদি অতোপ্পা মমিং লৈরবা বোক্সিং টূর্ণামেন্ট কয়াদসু মকোক থোংবা ঙম্লগা অলিম্পিক গেমসকী গোল্ড মেডেল অমা ফংননবা মহাক্কী মায়কৈদগী য়াম্না কন্না হোৎনরকখিবনি।
অদুবু হন্দক লোইশিনখিবা টোকিও অলিম্পিক গেমসকী ফ্লাইওয়েট কেটাগোরিগী রাউন্দ অব ৩২ গী বাউটতা ডোমিনিকন রিপাব্লিককী বোক্সার মশাগী চহী ২৩দা ঙাইরিবী মিগেলিনা হার্নান্দেজপু ৪০১দা মায়থীবা পীরবা মতুং প্রি ক্বার্টার ফাইনেলদা কলম্বীয়াগী বোক্সার ইনগ্রিট ভেলেন্সিয়াগী মখূৎতা য়াম্না নক্নবা স্কোরদা ২-৩দা মায়থীবা নংদুনা মেডেল রাউন্ড য়ৌবা ঙমখিদবনি।
মেরি কোম ৱার্ল্ড চেম্পিয়নশিপতা গোল্ড মেডেল ৬, সিলভার ১, ব্রোঞ্জ ১গসু ফংখি। এশিয়ান গেমসতা গোল্ড অমসুং ব্রোঞ্জ ১, কমনওয়েলথ গেমসতা গোল্ড ১ লোয়ননা এশিয়ান চেম্পিয়নশিপতা গোল্ড ৫ অমসুং সিলভার ২ ফংবা ঙমখি। মহাক্না ইন্দিয়াগী নুপীগী শান্নরোয়শিং অসিবু অনৌবা থৌনা পীখিবনি হায়না মোদিনা মখা তাখি।
সোর্স : হুইয়েন লানপাউ

COMMENTS

WORDPRESS: 0
DISQUS: