শক্নাইরবী আর্টিষ্ট সগোলশেম ধনমঞ্জরী লৈখিদ্রেসগোলশেম ধনমঞ্জরী (১৯৬৭-২০২১)

Homeমিডিয়া

শক্নাইরবী আর্টিষ্ট সগোলশেম ধনমঞ্জরী লৈখিদ্রে

ইম্ফাল, জানুয়ারী ৩০: মণিপুরী ফিল্মগী শক্নাইরবী আর্টিষ্ট সগোলশেম ধনমঞ্জুরী (৫৪) মশাগি অনাবা অমদগী শিংজমৈ ৱাইখোম লৈকাইদা লৈবা মশাগী য়ুমদা ঙসি পু ৩.৩০ লৈ

ইম্ফাল, জানুয়ারী ৩০: মণিপুরী ফিল্মগী শক্নাইরবী আর্টিষ্ট সগোলশেম ধনমঞ্জুরী (৫৪) মশাগি অনাবা অমদগী শিংজমৈ ৱাইখোম লৈকাইদা লৈবা মশাগী য়ুমদা ঙসি পু ৩.৩০ লৈখিদ্রে। মহাক লৈখিদ্রবা সগোলশেম বিজয়গী মচানুপীনি। শক্নাইরবী সগোলশেম ধনমঞ্জুরীনা হিংলিঙৈ মতমদা চাওরক্না মণিপুরী ফিল্ম ২০০ রোম কুমখ্রে। মহাক ফিল্মগী আর্টিষ্ট অমা ওইবতা নত্তনা নট সঙ্কীর্ত্তনগী শৈশকপী অমসু ওইরম্মি। লোইননা দ্রামা কয়াদসু শরুক য়াখি। মহাক্না এ দি য়ুগী ‘ঙবোং খাও’ হায়বা দ্রামাদা মরু ওইবা শক্তম লাংখি। মহাক মমিং লৈরবা মণিপুরী ফিল্ম চনু ‘আইপিএস’, ‘থাবাতোন’ পার্ট – ১/২/৩, ‘ফেসবুক ফিল্ম’, ‘ঈচেলসিদা’, ‘নিংঙোল চাক্কৌবা’ নচিংবদসু এক্ট তৌখ্রে। থাবাতোন-৩ ফিল্মদা লৌখিবা রোলগীদমক মীয়াম্না কাওবা ঙমদবা হায়বদু ওইখি। ফাগি পুবা অমসুং ফত্তবী শাবীদসু মশক খঙবী ওইখিবী আর্টিষ্ট অমনি। মহাক্না মনুং মতম চাদনা লৈখিদবদা ফিল্ম ফোরমগী থৌমীশিংনসু অৱাবা ফোঙদোকপগা লোয়ননা মিনিট অনী তুমিন্না লেপ্তুনা ইকাই খুম্নখি। অৱাবা ফোংদোকপগি থৌরম অদুদা ফিল্ম ফোরমগী চেয়ারমেন শমচেৎশাবম মঙ্গোলজাওনা ফোঙদোকখিবদা শকনাইরবী আর্টিষ্ট অসিনা লৈখিদবা অসি তশেংনা মণিপুরী ফিল্মগী তাইবঙদা মেনশিনবা ঙম্লরোইদবা অমা ওইহৌরগনি।

বাংলাদেশকী খোংচততা সগোলশেম ধনমঞ্জুরী (খ্বোৱাইদগী ওইদা)

শকনাইরবী ধনমঞ্জুরী মণিপুরী ফিল্মগী ওইনদি মশক মঙাল নাইনা মীয়াম্না খঙনরিবা অমনি। মহাক্না কুমখিবা ফিল্মদা চুশিন্নবা ঙম্বগী থৌনা লৈবী অমদি মতিক ময়াই চেল্লিবী আর্টিষ্ট অমনি। শকনাইরবী আর্টিষ্ট অসিনা লৈখিদ্রবসু মহা্ক্না কুম্লমখিবা ফিল্ম ময়াম অদুনা ঐখোয়গী ইরক্তা অদুমক তিন্দুনা লৈহৌরগনি। মহাক্কী ইমুং মনুংগী আৱাবদসু শরুক য়াজবগা লোয়ননা মণিপুরী আর্ট এন্দ কলচরগী লমদা মহাক্না পীরম্বা খুদোলশিং অসিদি শিংথাবগী লোইবা নাইরোই হায়না ফোঙদোকখি।

সোর্সঃ হুইয়েন লানপাউ

COMMENTS

WORDPRESS: 0
DISQUS: