লোইদামতোম্বী মোইরাংথেমগী শৈরেং অনী

Homeআর্টসশৈরেং

লোইদামতোম্বী মোইরাংথেমগী শৈরেং অনী

মৈরা পাইবী নুমিদাং খুদিংগী লৈরক লৈকায় ফাওদুনা থাউমৈ পরেং লেংলিসে নত্তে দিৱালীগী কুম্মৈ থৌনাফবী ইমাগী মৈরানি । অঙম্বা লীংজেল ফুদোক্তুনা অরা

মৈরা পাইবী

নুমিদাং খুদিংগী
লৈরক লৈকায় ফাওদুনা
থাউমৈ পরেং লেংলিসে
নত্তে দিৱালীগী কুম্মৈ
থৌনাফবী ইমাগী মৈরানি ।

অঙম্বা লীংজেল ফুদোক্তুনা
অরান অমোৎপা শেংদোক্লিবী
চৎলিবী খোঙচৎনি চোকথবা নাইদনা
নিশাগী মায়োক্তা খুন্নাইবু কন্নবা ।

অফসপাগী তমথিরা ঙাক্লোন
মীহাৎ লাংদা থুরবা মীয়াম
অশি খয়াত্তগী লৌথোক্নবা
উচুপ ওইনা লেপখিবদুসু
মানি কংলৈপাক্কী ইমাশিংনি ।

ইরমদমগী ৱাথোক লান্থোক খুদিংদা
থৌদাং চাউনা লৌরিবী ইমানি
মনিপুরী ঐগী ইমাদি
মালেম থুংনা শকখঙবী
মগুন ৱাংবী ইমানি ।।

নিংশিংলি

নিংশিংলি ঙসিসু কাউঙমদনা
চা মনাগী লমদম লমনুংশি
সনা মচুগী কোরৌ ঙানবনা
নোঙ্পোক চীংখোঙদগী য়াহৌরকপা
অশংবা চা মনাগী ফম্বাকথক্তা
ঈংনা মঙাল য়ৈরকপদা
মনাথক্তা অয়ুক্কী লিক্লানা
মনিমু্ক্তা গুম্না ঙানবদো
উরি ঙসিসু মীস্নানা ।

নিংশিংলি ঙসিসু কাউঙমদনা
চা মনা হেকপীশিংনা পরেং নাইনা চৎপদো
নঙ্গনদা নম্বো খাউবু পোরদুনা
খুৎ ওইগা য়েৎকা মান্নবা তান্থাদা
অনৌবা মতোন থৎতুনা
নম্বো খাউদা হাপ্পদো
উরি ঙসিসু মীস্নানা ।

নিংশিংলি ঙসিসু কাউঙমদনা
পুংজা ১২ তারকপগী কাংশি মখোল
য়ৈরক্লবদা কাং কাং
অরাম খৌরাংলবী চা মনা হেকপীশিং
পুথোক্নরকই ময়ূমদগী য়োম্লকপা চাকয়োম
চামিন্নবদো য়েন্ন‌ য়েন্নদুনা
তন, আলু কংমেৎ চা মনাগী মতোনগা
উরি ঙসিসু শং শংনা ।

নিংশিংলি ঙসিসু কাউঙমদনা
খংহৌদনা লাকপদো নোংলৈ নুংশিৎ
তৌফম খঙজদনা মীপাই মীপাইনা
চেনশিন্নরক ই চংজফম থিদুনা
মাঙ্গোন্দা শাইজিন্দা মরুম থুপনবা
কিথুপ কিরুমগা লোয়ননা
নীংশা থবেৎ থবেৎ হোন্দুনা
উরি ঙসিসু মীস্নানা ।

নিংশিংলি ঙসিসু মুৎত্রি মমিদো
তারমদাই নুমিৎকী ঙাংগ্রনবা অতিয়াদা
চেক্লানা শঙ্গু শঙ্গু
ময়ূম মাইকৈ পাংবগুম
নোংমাগী শীন্থা লোইশিল্লম
পরেং পরেং হনবদো
উরি ঙসিসু মীস্নানা ।।

৩০/০১/২০২১

COMMENTS

WORDPRESS: 0
DISQUS: