লৈখিদ্রবা মণিপুরী ফিল্ম মেকার হোমেন ডি ৱাই – ও সি মৈরা

Homeৱাখল্লোন

লৈখিদ্রবা মণিপুরী ফিল্ম মেকার হোমেন ডি ৱাই – ও সি মৈরা

মণিপুরী ফিল্ম য়েংলিবশিংগী মীহুল মহাক খঙই। অদুনা চপচাবা শিংলিদা পায়রগা ফিল্ম শেম্মী। ঈশৈ ইরগা হৌরকপা ওইবনিনা ঈশৈদা হেন্না চঙখোন্না থবক তৌই। থবকনা ম

  ও সি মৈরা

মণিপুরী ফিল্ম য়েংলিবশিংগী মীহুল মহাক খঙই। অদুনা চপচাবা শিংলিদা পায়রগা ফিল্ম শেম্মী। ঈশৈ ইরগা হৌরকপা ওইবনিনা ঈশৈদা হেন্না চঙখোন্না থবক তৌই। থবকনা মরু ওইনা লৌই। অদুনা মাগী ফিল্মগী ঈশৈশিংসু অয়াম্বা ফজৈ। ফিল্মবু পামজবনা মহাক চহী কয়া দিল্লীদা লৈদুনা ফিল্মগী লমদা মখল কয়া তমশিল্লকখি। মীয়াম্না শক খঙনরবা ফিল্ম ডিরেক্টর হোমেন ডি ৱাই ট্রোলি ইনবগী থবক ফাওবা তৌরমখি।

‘য়াইস্কুলগী পাখং অঙাওবা’ হায়রিবা ফিল্ম অসি হোমেন ডি ৱাইগী সুপার হিট ওইখ্রবা মণিপুরী ফিচার ফিল্মনি। ফিল্ম অসি মনা কয়াসু ফংখ্রবনি। মাগী ‘ঐ এক্টর নত্তে’ ফিল্ম অসি ২০২০দা বেষ্ট পপুলার ফিল্ম গী ষ্টেট এৱার্ডসু ফংখ্রবনি। মিডিয়াদা থোইদোক্না ফোকাস তৌবা পামদবা হোমেন ডি ৱাই মতম শাংনা ফিল্ম তৌরক্লবা মীশক অমনি। মণিপুরী ফিল্ম য়েংলিবশিংগী মীহুল মহাক খঙই। অদুনা চপচাবা শিংলিদা পায়রগা ফিল্ম শেম্মী। ঈশৈ ইরগা হৌরকপা ওইবনিনা ঈশৈদা হেন্না চঙখোন্না থবক তৌই। থবকনা মরু ওইনা লৌই। অদুনা মাগী ফিল্মগী ঈশৈশিংসু অয়াম্বা ফজৈ। ফিল্মবু পামজবনা মহাক চহী কয়া দিল্লীদা লৈদুনা ফিল্মগী লমদা মখল কয়া তমশিল্লকখি। মীয়াম্না শক খঙনরবা ফিল্ম ডিরেক্টর হোমেন ডি ৱাই ট্রোলি ইনবগী থবক ফাওবা তৌরমখি।

ক্যামেরাম্যান অমা ওইনসু ফিল্ম নম্বা য়াওরকখি। ‘সম্বল ৱাংমা’ ‘খোন্থাং’ ‘থম্বাল’ হায়রিবা সেলুলোইদ ফিল্মশিং অসিগী মহাক এসিঃ ক্যামেরাম্যান ওইনা থবক তৌখি। ভিডিও ফিল্ম ‘ঈগী মহাও’ গীসু এসিঃ ক্যামেরাম্যান ওইনা থবক তৌরম্মী। ডিডিকে ইম্ফালনা পুথোকপা ভিডিও ফিল্ম ‘কাপুনি’দা ক্যামেরাম্যান অমসুং অডিওগ্রাফার ওইখি। পোলোইদা হায়রিবা ভিডিও ফিল্ম অসিগীনা ইডিটর ওইখি। সেলুলোইদ ফিল্ম ‘সনা মানবী সনারৈ’ হায়বসিদা মহাক হেরোগী মমান্নবা শাখি। হোমেন ডি ৱাইগী ঈশৈনি ‘নুংশি মায়থোংদো য়েংজগে, খজিক্তং মমোন নোক্লকউ’ হায়বসিসু।

মণিপুরী ডিজিটেল ফিল্ম ‘ফাইরেন থাগী অঙাওবা লৈচিল’গীসু মহাক সিনেমাটোগ্রাফার ওইখি। ‘সীতা’ হায়বা ফিল্মগীসু সিনেমাটোগ্রাফার ওইরম্মী। মহাক্না নম্বা ফিল্ম কয়া মনা ফংবা য়াওখ্রে। মাগী ‘ঐ এক্টর নত্তে’ হায়বা ফিল্ম অসি ২০২০ গী বেষ্ট পপুলার ফিল্ম’গী মনা ফংখি। বেষ্ট ডিরেক্টরগী মনাসু ফংবা য়াওখ্রে। মাগী ‘য়াইস্কুলগী পাখং অঙাওবা’ ফিল্মসি মনা কয়াসু ফংখ্রে। মহাক্না লোইশিনবা ঙমহৌদ্রবা কয়াসু লৈখি। ‘ডাঃ হেমোগী হেলোই’ লোইশিনবা ঙমখিদ্রে। ‘শেংদোইদি অহিং তুমদে’সু লোইশিনবা ঙমখিদে। শগোলবন্দ থাংজম লৈরক্তা লৈবা ৱাইখোম কুলচন্দ্রগী মপারি ৱাইখোম হোমেন্দ্র অঙাং ওইরিঙৈদা মপাবুংগা লোয়ননা ত্রিপুরাদগী ইম্ফালদা লাকপনি। মখোয়গী মপা মপু ত্রিপুরাগী সিপাহীজলা ডিষ্ট্রিক্ট মনুং চনবা গোলাঘাটি মৈতৈ খুঙ্গংদগী হৌরকপনি। ত্রিপুরাদা হৌজিকসু মখোয়গী মরিমতা কয়া গোলাঘাটি অমসুং অভয়নগরদা লৈরি।

হোমেন ডি ৱাই, ফিল্ম কুম্বী ওইনা ঙাংবিগা য়ুম্নানমিন্নদুনা মচা নুপী দিপাশ্রী ডি ৱাই কৌবা অমা লৈরে। মণিপুরদা মীয়াম্না মশক খঙলবা হোমেন ডি ৱাইনা মনুং মতম চাদনা লৈখিদবদা মণিপুরী সিনেমাগীদি অচৌবা মাঙজবা অমা ওইখ্রবনি। মহাক্না লৈখিদবদা ঐসু থম্মোয় শোক্না অৱাবা ফোঙদোকচরি।

কর্টেসিঃ মরূপ

COMMENTS

WORDPRESS: 0
DISQUS: