লিকমাবম সুশিলা অলিম্পিক গেমসকী প্রোভিজনেল ওইনা ক্বালিফাই ওইরে

Homeস্ক্রলবার

লিকমাবম সুশিলা অলিম্পিক গেমসকী প্রোভিজনেল ওইনা ক্বালিফাই ওইরে

বুদাপেষ্ট, জুন ০৭ : ইন্দিয়াগী মমিং লৈরবী নুপীগী জুদোদা লিকমাবম সুশিলা মথং থাগী ২৩দগী হৌগদৌরিবা টোকিও অলিম্পিক গেমসকীদমক প্রোভিজনেল ওইনা ক্বালিফাই ওইখ্

বুদাপেষ্ট, জুন ০৭ : ইন্দিয়াগী মমিং লৈরবী নুপীগী জুদোদা লিকমাবম সুশিলা মথং থাগী ২৩দগী হৌগদৌরিবা টোকিও অলিম্পিক গেমসকীদমক প্রোভিজনেল ওইনা ক্বালিফাই ওইখ্রে। সুশিলানা হাঙ্গেরিগী কোনুং বুদাপেষ্টতা পাঙথোকপা ৱার্ল্ড জুদো চেম্পিয়নশিপকী নুপীগী কিলোগ্রাম ৪৮গী কেটাগোরিদা শরুক য়াখিবদা অহানবা রাউন্দ অদুদা মায়থীবা নংখি। মায়থীবা নংলবসু লিকমাবম সুশিলানা মমাংদা মহাক্না ফংখিবা ৱার্ল্ড জুদোগী নুপীগী রেঙ্কিং লিষ্টতা পয়েন্ট ৯৮৯ ফংদুনা এশিয়াগী ওইনা ৭ শুবা পোজিসনদা লৈরিবনি। ইন্দিয়াগী ওইনা বুদাপেষ্টতা পাঙথোক্লিবা ৱার্ল্ড জুদো চেম্পিয়নশিপ অসিদা লিকমাবম সুশিলা অমদি নুপাগী জুদোদা জস্লিন সিংহ সাইনিনা কিলোগ্রাম ৬৬৭ তা শরুক য়াখিবনি। জস্লিন সিংহ সাইনিসু মহাক্কী অহানবা রাউন্দদা মোলদোভাগী জুদোকা রাদু ইজ ভোরেনুগী মখুৎতা মায়থীবা নংদুনা মহাক্না হান্না ফংখিবা পয়েন্ট ৯২০ অদুদা সুশিলাগা অপূনবা পয়েন্ট ১০০৯ ফংখি। অদুগা জস্লিননা পয়েন্ট ৯৪০ ফংখি। ৱার্ল্ড চেম্পিয়নশিপ অদুদা জুদোকা অমনা লীগ রাউন্দ অমা মায় পাকপদা পয়েন্ট ২০০ ফংগদৌরিবনি। মদুদা ঙরাং অথেংবদা পাঙথোকখিবা নুপীগী কিলোগ্রাম ৪৮ গী কেটাগরি অদুদা লিকমাবম সুশিলা অহানবা রাউন্নদা মায়থীবা নংদুনা মহাক্না হান্না ফংখিবা রেঙ্কিং পয়েন্ট ১০০৯ দা লৈখি।
অমরোমদা, ৱার্ল্ড জুদো চেম্পিয়নশিপ অদুদা ইন্দিয়াগী নুপাগী কিলোগ্রাম ৬৬তা শরুক য়াখিবা জস্লিন সিংহ সাইনিনা মহাক্কী অহানবা রাউন্দ মায়থীবনা শুপ্নগী ৱার্ল্ড চেম্পিয়নশিপ অদুদা শরুক য়াবা ঙমখিবগী পয়েন্ট ২০ খকফংদুনা ইন্দিয়াগী ওইনদি সুশিলা অমদি মখোয় অনীগী মনুংদা সুশিলানা পয়েন্ট হেনবনা খূদোংচাবা মাঙজিল থারি।

জুলাই ২৩দগী হৌগদৌরিবা টোকিও অলিম্পিক গেমস অসিগী জুদোগী ক্বালিফায়িং ইভেন্ট ওইনা ঙসি পাঙথোকখিবা হাঙ্গেরিগী সিটি বুদাপেষ্টকী ৱার্ল্ড জুদো চেম্পিয়নশিপ অদুদা ইন্দিয়াগী মায়কৈদগী শরুক য়াখিবা জুদোকা অনীগী মনুংদা মণিপুর মচা লিকমাবম সুশিলা অমদি নুপাগীদা জস্লিন সিংহ সাইনিমখোয়-মখোয়গী অহানবা রাউন্দগী বাউটশিং অদু মায়থীবা নংখিবদগী মখোয় অনীগী মনুংদা সুশিলানা খূদোংচাবা হেন্দুনা লৈরি। থা অসিগী ২৮ দা ইন্টারনেশনেল জুদো ফেদরেসননা কন্টিনেন্টেল কোটা লাউথোরকপদা ইন্দিয়াগী ওইনদি করিগুম্বা মশান্না অসিদা খনগদবা লৈরবদি লিমাবম সুশিলা ওইনা খল্লগনি। মরম অদুনা মহাকপু প্রোভিজনেল ওইনা ক্বালিফাই ওইরে হায়রি।

সোর্স – হুইয়েন লানপাউ

COMMENTS

WORDPRESS: 0
DISQUS: