লাইরিক ফোঙখ্রে, শৈরেং শৈদিন্নখ্রে 

Homeস্ক্রলবার

লাইরিক ফোঙখ্রে, শৈরেং শৈদিন্নখ্রে 

ইম্ফাল, সেপ্টেম্বর ৩০ : ইরমদম মীয়ামগী অপূনবা খোর্জৈ লূপ (ইমাখোল) অৱাং পোৎশাংবমনা শীন্দুনা ঙসি নুংথিল ইম্ফাল ইষ্টকী মোংজম কমিউনিটি হোলদা লূপ অসিনা থা ৬

ইম্ফাল, সেপ্টেম্বর ৩০ : ইরমদম মীয়ামগী অপূনবা খোর্জৈ লূপ (ইমাখোল) অৱাং পোৎশাংবমনা শীন্দুনা ঙসি নুংথিল ইম্ফাল ইষ্টকী মোংজম কমিউনিটি হোলদা লূপ অসিনা থা ৬/৬ খূদিংগী পুথোকপা খোরিরোলগী চেফোঙ ঈরাওখোল ১১শুবা মশীং অমসুং মণিপুর অমদি মণিপুরগী ৱাংমদগী পুন্না অইবা-অইবী ৪৯দগী লূপনা খোমজিনবা শৈরেংগী লাইরিক মুৎনাইদ্রবা কংলৈ থৱাম্মিচাক ফোঙখ্রে।  লোয়ননা অনীরকশুবা লময়ানবা হিজম ইরাবত শৈথা শৈরেং শৈদিন্নবগী থৌরম পাঙথোকখ্রে হায়না ইমাখোলগী জেনারেল সেক্রেটারি ৱাহেংবম রোমেন মীতৈনা থাদোরকপা চেরোল অমনা ফোঙদোরক্লি।

চেরোল অসিনা হায়, থৌরমসিদা মণিপুরী লেঙ্গুয়েজ এডভাইজরি বোর্ড, নিউ দিল্লীগী কনভেনার নোংমাইথেম কিরনকুমারনা অথোইবা মীথুং, ইরমদম মীয়ামগী অপূনবা খোর্জৈ লূপ (ইমাখোল) গী প্রেসিডেন্ট ডা. রাজকুমার গুনচান্দনা থৌরম মপু অমদি রিটায়ার্ড হেড মাষ্টার ৱাইখোম অহঞ্জাওনা অখন্নবা লেংবীরকপা ওইনা শরুক য়াখি।

থৌরমদুগী শরুক অমা ওইনা কোভিদ-১৯ লায়না লাইচৎনা মরম ওইরগা লৈখিদ্রবা লূপ অসিগী ওজাশিং মথংশিৎনা কেশো ইরেংবা, যোদ্দচন্দ্র সনসম, খুরাইজম নিমাইচরণ, রঘু লৈশাংথেম অমসুং লৈখ্রিদবা মণিপুরী খোরিরোলগী শক্নাইরবশিংগী মফমদা হৈকৎ-লৈকৎ তমদুনা মপুং ফাবা ঈকায়খুম্নবা উৎখি।

থৌরম অসিগা মরী লৈননা লময়ানবা হিজম ইরবতকী মপোক নুমীৎ থৌরমগা মরী লৈননা লময়ানবগী ফোটোদা হৈকৎ লৈকৎ তম্বগা লোয়ননা মীওই ৪১না লময়ানববু শৈথাজবা শৈরেংশিং পাথোকখি।

সোর্স: হুইয়েন লানপাও।

COMMENTS

WORDPRESS: 0
DISQUS: